Силәбелә башҡорт «төньяҡ амурҙары»ның береһенә мемориаль таҡтаташ астылар

IMPORT Сервисный

ӨФӨ, 2014 йыл, 14 октябрь. /«Башинформ» мәғлүмәт агентлығы, Ләйлә Аралбаева/. Силәбелә Рафаэль Бакировтың шәхси йортоноң алғы яғында «Электрометаллург» баҡсаһында тантаналы рәүештә дүртенсе башҡорт полкы старшинаһы Аҫылғужа Бакировҡа мемориаль таҡтаташ астылар. Ул 1812 йылғы Ватан һуғышында Парижға барып еткән һәм рус ғәскәре башлығы Михаил Кутузовтың хөрмәтенә һәм маҡтау һүҙҙәренә лайыҡ булған полктарҙың береһе була.

Яугирҙың нәҫеле – отставкалағы подполковник, ҡораллы көстәр ветераны Рафаэль Бакировтың әйтеүе буйынса, мемориаль таҡтаташ ҡуйыу – ул «төньяҡ амурҙарын» хөрмәт итеү һәм улар менән ғорурланыу.

- Йәштәребеҙҙең үҙ тарихын белмәүҙәре өсөн миңә ҡыйын. Сөнки Силәбе өлкәһенән башҡорт атлы полктары ойошторолған, улар Ватанын яҡлап француздарға ҡаршы батырҙарса алышҡан, —тине Рафаэль Бакиров.

Тантаналы сарала Башҡортостан Республикаһының Силәбе өлкәһендәге рәсми вәкиле Амур Хәбибуллин, йәмәғәтселек, уҡытыусылар һәм дин әһелдәре, шулай уҡ Ҡоншаҡ районының Һары урта мәктәбе кадеттары ҡатнашты.

Старшина Аҫылғужа Бакировҡа мемориаль таҡтаташ асыу – ул ҡала өсөн бик мөһим ваҡиға, тип билдәләне Амур Хәбибуллин. Уның әйтеүе буйынса, Аҫылғужа Бакировтың Башҡортостанда тыуыуына ҡарамаҫтан, ул Көньяҡ Урал башҡорттарынан йыйылған полк менән командалыҡ иткән. Батыр башҡорт яугирҙарын иҫкә алып доға уҡынылар. Сараға йыйылғандар Аҫылғужа Бакировтың мемориаль таҡтаташына сәскәләр һалды, тип хәбәр итте Башҡортостан Республикаһының Силәбе өлкәһендәге Даими вәкиллегенең матбуғат секретары Михаил Хәбиров.

#хәтер #1812 йылғы ватан һуғышы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.