Шәһит Хоҙайбирҙин исемендәге премия лауреаттары 100-шәр мең һум аласаҡ

ӨФӨ, 2014 йыл, 11 сентябрь. /«Башинформ» мәғлүмәт агентлығы, Сергей Захаров/. Башҡортостан Хөкүмәте ҡарары Шәһит Хоҙайбирҙин исемендәге журналистика премияһы тураһындағы положениеға үҙгәрештәр индерҙе. Документҡа ярашлы, журналистика өлкәһендә иң яҡшы әҫәр ижад иткән һәм премияға лайыҡ булған журналисҡа 100 мең һум күләмендә аҡсалата бүләк биреләсәк. Шундай уҡ сумманы иң яҡшы әҫәр ижад итеүсе коллектив та аласаҡ. Журналистика өлкәһендә авторҙашлыҡта иң яҡшы әҫәр барлыҡҡа килтергән һәм премияға лайыҡ булған коллективтың һәр авторына премия лауреаты исеме бирелә.

Элек, премия тураһындағы положениеға ярашлы, аҡсалата бүләктең суммаһы 50 мең һум тәшкил итә ине.