Альберт Мифтахов вафат булды

IMPORT Сервисный

ӨФӨ, 2014 йыл, 11 сентябрь. /«Башинформ» мәғлүмәт агентлығы, Сергей Захаров/. 11 сентябрҙә 55-се йәшендә оҙаҡ ауырығандан һуң Башҡортостан Республикаһы Президенты Хакимиәте Етәксеһе урынбаҫары Альберт Ленар улы Мифтахов яҡты донъянан китте.

Ул 1959 йылдың 15 сентябрендә Өфөлә тыуған. Үҙенең хеҙмәт эшмәкәрлеген Башҡорт дәүләт университетын тамамлағандан һуң 1981 йылда Өфөнөң Октябрь районының 13-сө киске урта мәктәбендә тарих уҡытыусыһы булып башлай, Башҡорт дәүләт университетының ВЛКСМ комитеты секретары урынбаҫары, секретары, ВЛКСМ-дың Башҡортостан өлкә комитеты секретары, беренсе секретары булып эшләй. 1991-1994 йылдарҙа – Башҡортостандың Демократик йәштәр союзы республика комитеты беренсе секретары.

1991-1993 йылдарҙа Халыҡ-ара йәштәр палатаһы Рәсәй бүлексәһе вице-президенты була. 1994-2011 йылдарҙа коммерция структураларында етәксе вазифаларында эшләй. Альберт Мифтахов ғилми эшмәкәрлек менән шөғөлләнә, философия фәндәре кандидаты диссертацияһын яҡлай, политология өлкәһендә күп кенә мәҡәләләр яҙа.

2012-2013 йылдарҙа – «Берҙәм Рәсәй» Бөтә Рәсәй сәйәси партияһының Төбәк сәйәси советы Президиумы составына инә һәм Төбәк сәйәси советы Секретары урынбаҫары вазифаһына һайлана. Ошо уҡ йылдың апреленән алып партияның Башҡортостан бүлексәһе төбәк башҡарма комитетын етәкләй. 2014 йылдың ғинуарынан Башҡортостан Республикаһы Президенты Хакимите етәксеһе урынбаҫары булып эшләй.

Альберт Мифтахов республикала йәштәр хәрәкәтен ойоштороуға, бик күп социаль әһәмиәттәге проекттарҙы тормошҡа ашырыуҙа тос өлөш индерә. Партия һәм дәүләт эшендә булып ул граждандар йәмғиәте институты, сәйәси ойошмалар менән оҫта эш алып бара, республикала милләт-ара диалогты һәм йәмәғәт тотороҡлоғон нығытыуға йоғонто яһай.

Альберт Ленар улына яуаплылыҡ һәм эшкә ҡарата намыҫлы мөнәсәбәт, маҡсатҡа ынтылыш, инициатива күрһәтеү һәләте һәм ижади ҡараш кеүек сифаттар хас булды. Ул хеҙмәттәштәре, дәүләт власы һәм урындағы үҙидара органдары етәкселәре, республика йәмғиәтселеге вәкилдәре араһында лайыҡлы абруй һәм хөрмәт ҡаҙанды.

Юғары кимәлдәге профессионал, һәләтле етәксе һәм йәмәғәт эшмәкәре, инсафлы һәм иҫ китмәле кеше – Мифтахов Альберт Ленар улы тураһында яҡты иҫтәлек беҙҙең йөрәктәрҙә мәңге һаҡланыр, тиелә республика башлығы Рөстәм Хәмитов, Башҡортостандың башҡа дәүләт һәм йәмәғәт эшмәкәрҙәре ҡул ҡуйған некрологта.

Хушлашыу 12 сентябрҙә 11 сәғәттән алып 12 сәғәт 30 минутҡа тиклем Өфө ҡалаһы, Зәки Вәлиди урамы, 40 адресы буйынса урынлашҡан БР Дәүләт Йыйылышы – Ҡоролтай Йортонда уҙасаҡ. Матәм митингы 12 сәғәттә башлана.

«Башинформ» мәғлүмәт агентлығы мәрхүмдең бөтә туғандарының һәм яҡындарының ауыр ҡайғыһын уртаҡлаша.

#хәтер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.