Башҡортостандың иң яҡшы умартасылары билдәле булды

Илья Спиридонов

Башҡортостанда умартасыларҙың XIV республика конкурсына йомғаҡ яһалды, тип хәбәр иттеләр республика Ауыл хужалығы министрлығының матбуғат хеҙмәтенән. Сара Ғафури районында уҙҙы. Быйыл һөнәри ярышта 44 райондан 55 кеше ҡатнашты.

Конкурс программаһы дүрт этаптан торҙо: теоретик белемде һәм практик оҫталыҡты тикшереү, умартасылар тәҡдим иткән яңы эштәрҙе һәм бал өлгөләренең сифатын баһалау.

Һөҙөмтәлә Ауырғазы районынан Семен Иванов конкурс еңеүсеһе тип танылды. Икенсе урынды Николай Осташов (Өфө районы), өсөнсөнө Ринат Шаһбалов (Әбйәлил районы) яуланы.

Өлкәндәргә тәғәйенләнгән ярыштар менән бер уҡ ваҡытта балаларҙыҡы ла уҙҙы, унда 37 райондан 40-тан ашыу уҡыусы ҡатнашты. Уҡыусыларға тәҡдим ителгән теоретик һәм практик эштәр ауырлығы буйынса тәжрибәле белгестәргә бирелгәненән бер нимәһе менән дә айырылманы.

«Йәш умартасы» VIII республика конкурсының еңеүсеһе – Ғафури районынан Азамат Исхаков, 9-сы синыф уҡыусыһы. Икенсе урында – 8-се синыф уҡыусыһы Тимур Баландин (Мәләүез), өсөнсөлә – 9-сы синыф уҡыусыһы Алмаз Хәйретдинов (Архангель районы).

Бөтә еңеүселәр һәм призерҙар дипломдар, ҡиммәтле бүләктәр һәм аҡсалата приздар менән бүләкләнде. Бынан тыш, йәш умартасылар «Иҫ киткес дөйәғош» фермер хужалығында булды.

Умартасылар араһында һөнәри конкурстар 1998 йылдан алып уҙғарыла. Ойоштороусыларҙың әйтеүе буйынса, уларҙың төп маҡсаты – тәжрибә уртаҡлашыу, алдынғы ысулдарҙы һәм хеҙмәт алымдарын, шулай уҡ был өлкәлә прогрессив технологияларҙы индереү.

Ҡорт ғаиләһенең иҫәбе һәм тауарлы бал етештереү буйынса Башҡортостан 2003 йылдан алып Рәсәйҙә беренсе урынды биләй.

#ауыл хужалығы #умартасылыҡ #конкурс #һөнәри оҫталыҡ #ғафури районы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.