Google Street View сервисында Бәләбәйҙең һәм Башҡортостан федераль автомобиль юлдарының панорамаларын ҡарарға мөмкин

Google Maps картография сервисының «Урамдар панорамаһы» сервисында Башҡортостан территорияһынан үткән федераль трасса участкаларының фотографик панорамаларын, шулай уҡ Бәләбәй ҡалаһы урамдарының панорамаһын ҡарарға мөмкин.

Фотосервиста М7 «Волга» һәм Р240 «Өфө – Ырымбур» трассалары, Р361 «Магнитогорск – Сибай – Йылайыр – Ира» төбәк автомобиль юлы һәм уның янындағы участкалар 2013 йылдың башында төшөрөлгән. Ул планетаның иң билдәле эҙәрмәндең заказы буйынса камералар менән йыһазландырылған махсус Google Van автомобиле ярҙамында төшөрөлә. Һөҙөмтәлә был фотоһүрәттәр эшкәртелә һәм Google Maps карталарына беркетелә һәм төшөргәс яҡынса бер йылдан һуң шундай уҡ исемле сервиста һәм Google Earth сервисында бөтә планета буйынса ҡарарға була.

Башҡортостан территорияһын көнүҙәк панорамалы фотоһүрәттәр менән ҡаплауҙа алдағы кинәт күтәрелеү 2013 йылдың яҙында теркәлә, ул саҡта, Өфөнән тыш, планетаның теләһе ҡайһы нөктәһенән Стәрлетамаҡ һәм Салауаттың йәйге күренештәрен ҡарарға һәм уның буйлап виртуаль йөрөргә мөмкин ине.

Кәрәкле биләмәне ҡарау өсөн Google Maps битен асырға, эҙләү формаһында исеме буйынса кәрәкле ҡаланы йәки юлды табырға, кеше шәүләһе һымаҡ эшләнгән һары пиктограмманы картала кәрәкле урынға күсереп Google Street View идара итеү элементын йәнләндерергә була. Шул уҡ ваҡытта теге йәки был урында панорама фотоһүрәттәренең барлығы картала урамдар өҫтөнән төрлө төҫлө һыҙыҡтар ярҙамында билдәләнәсәк.

Google панорамаһынан тыш, урын тураһында мәғлүмәтте «Panoramio» краудсорсинг сервисы ярҙамында алырға мөмкин, унда һәр теләүсе төшөрөлгән урынға беркетелгән күренеш фотоһын үҙенә күсерә ала.