Пятница, 17 Апреля 2026

Уфа

+16 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

06:52 (UTC+5), 11 Июня 2014

Республика етәксеһе: «Иң мөһиме – ул кешеләрҙең эшкә йәлеп итеүсәнлеге»

Ғәлиә Нәбиева

Рөстәм Хәмитов «Берҙәм Рәсәйҙең» республика башлығы вазифаһына артабан кандидаттарҙы тәҡдим итеү өсөн кандидатураларҙы билдәләү буйынса праймеризда ҡатнашты һәм фирҡәселәренең һәм йәмәғәт ойошмалары вәкилдәренең иң күп тауышын йыйҙы.

Башҡортостан Президенты вазифаһын ваҡытлыса башҡарыусы партия эсендәге тауыш биреүҙә ҡатнашыусыларға рәхмәтен белдерҙе, улар республиканың артабанғы үҫеше тураһында үҙ тәҡдимдәрен әйтте.

Рөстәм Хәмитов, 70-се йылдарҙа Башҡортостанды етәкләгән, партияның өлкә комитеты секретары Зыя Нуриевтың китабын уҡығандан һуңғы фекерҙәре менән уртаҡлашты. Ул саҡта ун йыл эсендә республикала 115 предприятие төҙөлә. Зыя Нуриев Салауат Юлаев һәйкәлен ҡуйыусы инициаторҙарының береһе була.

«Беҙ ҙә данлыҡлы кешеләребеҙҙе онотмайбыҙ, бөйөк яҡташтарыбыҙға һәйкәлдәр ҡуйҙыҡ, берәү генә түгел. Ауыл хужалығында, социаль өлкәлә көсөргәнешле эшләйбеҙ», тип билдәләне Рөстәм Хәмитов.

- Ул саҡта ла, хәҙер ҙә – йәмғиәт, кешеләр эшләй. Бер кешегә генә иҫәп тоторға ярамай, — тип билдәләне Рөстәм Хәмитов. – Һис шикһеҙ, лидер, иң тәүҙә әхлаҡи лидер кәрәк. Халыҡтың ышанған кешеһе. Республика етәкселегенең тоғро булыуын аңлау зарур. Иң мөһиме – кешеләрҙе, йәмғиәтте эшкә йәлеп итеү.

Рөстәм Хәмитов Башҡортостан Президенты вазифаһында нимә эшләй алғанын билдәләп үтте.

- Нимәлер килеп сыҡты, күп нәмә әле планда. Дөйөм алғанда алға китеш күренә. Сәйәсәттә ғәҙәттәр йомшара башланы. Беҙҙә парламентта бөгөн алты партия эшләй, һуғышмайҙар, әрләшмәйҙәр, — тип билдәләне Рөстәм Хәмитов. — Өс-дүрт йыл эсендә балалар баҡсаһы, һаулыҡ һаҡлау, мәғариф өлкәһендә бик ҡатмарлы мәсьәләләрҙе хәл итә алдыҡ йәғни хәл итеү юлдарын таптыҡ.

Рөстәм Хәмитов машина эшләү, нефть химияһы тармаҡтарындағы ҡаҙаныштар, республиканың бөтә сәнәғәт һәм ауыл хужалығы комплексында иҡтисади һәм социаль өлкәләге ысын уңыштар тураһында ентекле һөйләне.

- Әгәр һеҙ миңә ышанһағыҙ, икенсе президент срогында нәҡ ошо йүнәлештә эшләргә теләр инем – кешеләрҙе ҡотҡарыу, граждандарыбыҙҙың башланғыстарын хуплау, яңы, ҙур нәмәләр эшләргә теләүселәргә ярҙам итеү, ярҙамға мохтаждарҙы онотмау. Халҡыбыҙ иҫәбенә байырға теләгән, төрлө эре һәм урта компаниялар законһыҙлығынан кешеләрҙе яҡларға тейешбеҙ, — тип фирҡәселәрҙе инандырҙы Рөстәм Хәмитов.

1 из 10

#праймериз

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.