Пятница, 17 Апреля 2026

Уфа

0 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

05:25 (UTC+5), 09 Июня 2014

Башҡортостан журналистары һөнәри байрамдарын «Журфест» фестивале менән билдәләне

Ләйлә Аралбаева

Ҡырмыҫҡалы районының Тауһеңер ауылы эргәһендә «Журфест» Башҡортостан журналистары фестивале үтте. Ул йыл һайын республиканың төрлө райондарында уҙғарыла, быйылғыһы иҫәп буйынса дүртенсе инде. «Журфест» һөнәри байрамға – Башҡортостан Республикаһының матбуғат һәм мәғлүмәт хеҙмәткәрҙәре көнөнә арналды.

«Журфест»ҡа республика һәм район гәзит һәм журналдары, радио һәм телевидение, интернет баҫма баш мөхәррирҙәре, журналистары һәм хеҙмәткәрҙәре йыйылды.

«Журфест»ты тантаналы асыуҙа Башҡортостандың журналистар йәмғиәтен Башҡортостан Республикаһы Президенты Хакимиәте етәксеһе урынбаҫары Альберт Мифтахов, тармаҡ етәкселеге вәкилдәре сәләмләне.

Журналистарға тәбрикләү телмәре менән БР Матбуғат һәм киң мәғлүмәт саралары агентлығы етәксеһе Борис Мелкоедов, Журналистар союзы рәйесе Артур Дәүләтбәков сығыш яһанылар.

Сара сиктәрендә тармаҡтың иң яҡшы хеҙмәткәрҙәрен бүләкләнеләр. Киң мәғлүмәт саралары органдары баш мөхәррирҙәре һәм журналистары БР Матбуғат һәм киң мәғлүмәт саралары агентлығының, Рәсәй Журналистары союзының почет грамоталарын, Ҡырмыҫҡалы районының, сараның төп уҙаҡташы – «Башнефть» асыҡ акционерҙар йәмғиәтенең рәхмәт хаттарын алды. Бер нисә кешегә Артур Дәүләтбәков Рәсәй Журналистар Союзы таныҡлығын тапшырҙы.

Быйылғы «Журфест»тың темаһы Олимпиада булды. Фестивалдең девизы: «Спорт рекордтарынан – ижади еңеүҙәргә!» төрлө баҫмалар редакцияларын – төньяҡ-көнсығыш һәм көньяҡ район-ара ижади берекмәләрҙе, «Комсомольская правда», «Йәшлек» һәм «Киске Өфө» гәзиттәрен, «Шоңҡар» һәм «Панорама Башкортостана» журналдарын, «Китап» нәшриәтен, Башҡортостан юлдаш телевидениеһын һәм «Башҡортостан» Бөтә Рәсәй телерадиокомпанияһын, Йәш журналистар мәктәбе вәкилдәрен байрамдың бөтә ярыштарында ла дәррәү командалар менән сығыш яһарға илһамландырҙы.

Фестивалдә Матбуғат клубы ойошторолдо, фекер алышыуҙарҙа журналистар, фестиваль ҡунаҡтары һәм ойоштороусылары ҡатнашты. Майҙансыҡта Ҡырымдың Рәсәй менән ҡушылыуына бәйле яңы сәйәси ысынбарлыҡты, интернет-технологиялар менән үҙ-ара эш алып барыу мәсьәләләрен тикшерҙеләр.

«Журфест» Башҡортостан журналистары фестивалендә республика етәксеһе Рөстәм Хәмитов та булды.

Фестиваль популяр башҡарыусылар ҡатнашлығында концерт һәм «Олимпия ритмдары» дискотекаһы менән тамамланды.

Фестивалде ойоштороусылар – Башҡортостан Республикаһының Журналистар союзы һәм БР Матбуғат һәм киң мәғлүмәт саралары агентлығы. Фестивалдең уҙаҡташтары – «Башнефть» компанияһы, «Йәйғор» компаниялар төркөмө, «Имидж-Консультант» компанияһы.

1 из 16

#киң мәғлүмәт саралары #«журфест» фестивале #рөстәм хәмитов

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.