Башҡортостандың Экология министрлығы Ҡырымдың Белогорск районына методик һәм матди ярҙам күрһәтәсәк

Әлим Фәйезов

Башҡортостан Республикаһының Тәбиғәттән файҙаланыу һәм экология министрлығында Ҡырым Республикаһының Белогорск районына методик һәм матди ярҙам күрһәтеү буйынса эшсе төркөм ойошторолдо. Уға ведомство етәкселеге һәм белгестәр, ведомство ҡарамағындағы ойошмалар директорҙары инде.

Ведомствоның матбуғат секретары Нина Никандрова хәбәр итеүенсә, эшсе төркөм Белогорск районында тирә-яҡ мөхиттең һәм тәбиғәттән файҙаланыуҙың хәле, шул иҫәптән һыу-хужалыҡ комплексы, айырыуса һаҡланған тәбиғәт территорияларының ойошторолоуы, хайуандар донъяһын һаҡлау һәм ҡулланыу, ҡаты көнкүреш ҡалдыҡтарын йыйыу һәм юҡ итеү буйынса эш, экологик контролде ойоштороу, тураһында мәғлүмәт һораны.

Эшсе төркөм ағзалары фекеренсә, алынған мәғлүмәттәр экология һәм тәбиғәт өлкәһендә төп мәсьәләләрҙе аныҡларға, был тармаҡта райондың төп һәм кисектергеһеҙ талаптарын асыҡларға, уларҙы хәл итеү юлдарын, шулай уҡ районға методик һәм матди ярҙам күрһәтеүҙә республика Экология министрлығының ҡатнашыу формаларын билдәләргә мөмкинлек бирәсәк.

Яҡынса мәғлүмәттәр буйынса, тирә-яҡ мөхитте һаҡлау өлкәһендә ике республика араһында үҙә-ара эш итеүҙең төп йүнәлештәре булып һыу хужалығы өлкәһендә хеҙмәттәшлек тора, шул иҫәптән гидроҡоролмалар һәм һыуһаҡлағыстары, айырыуса һаҡланған тәбиғәт территориялары, хайуандар донъяһын һаҡлау һәм ҡулланыу, ҡаты көнкүреш ҡалдыҡтарын йыйыу һәм юҡ итеү.

Урында экологик хәл менән танышыу өсөн 17-18 апрелдә Башҡортостан Республикаһының тәбиғәттән файҙаланыу һәм экология министры Илдар Һаҙыев һәм уның урынбаҫарҙары Ҡырым Республикаһының Белогорск районына барасаҡ, тип билдәләнеләр министрлыҡтың матбуғат хеҙмәтендә.

#бр тәбиғәттән файҙаланыу һәм экология министрлығы #ҡырым

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.