93.29
+0.04
Башҡортостан һәм Өфө яңылыҡтары
99.56
+0.2
88.17
-0.28
13+ °C
Болотло
Бөтә яңылыҡтар
Йәмғиәт
2 Апрель 2014, 17:11
Фән һәм техника өлкәһендә республика дәүләт йәштәр премияһына дәғүә итеүгә эштәр ҡабул ителә башланы
БР Йәштәр сәйәсәте һәм спорт министрлығы фән һәм техника өлкәһендә йәштәр премияһына дәғүә итеүгә эштәр ҡабул итә башлауы тураһында иғлан итте.
Тапшырыу ваҡыты – 1 июлгә тиклем. Дәғүә итеүгә ғилми хеҙмәткәрҙәр, юғары уҡыу йорттары уҡытыусылары, аспиранттар, докторанттар, шулай уҡ айырым да, авторҙар коллективы составында ла (5 кешегә тиклем) халыҡ хужалығы белгестәре күрһәтелә ала. Уларҙың йәше 35-тән үтмәҫкә тейеш. Дәүләт премияһына күрһәтелгән фәнни тикшеренеүҙәрҙең һөҙөмтәләре, дәүләт серенә ҡараған мәғлүмәттәрҙән тыш, матбуғатта донъя күрергә тейеш.
Фән һәм техника өлкәһендә республика дәүләт йәштәр премияһы БР иҡтисады, социаль өлкәһе һәм мәҙәниәте үҫешенә тос өлөш индергәне, производствоға яңы ресурс һаҡлаусы һәм экологик яҡтан таҙа технологиялар, прогрессив материалдар, машиналар һәм яйланмалар әҙерләү һәм индереү өсөн бирелә.
Эштәр киләһе адрес буйынса ҡабул ителә: Өфө, Ленин урамы, 10, 23-сө бүлмә, БР Йәштәр сәйәсәте һәм спорт министрлығының һәләтле йәштәргә һәм йәштәр инициативаларына ярҙам итеү бүлеге. Белешмәләр өсөн телефон: (347) 218-03-08.
Премия республиканың фәнни ҡеүәтен үҫтереү һәм иң һәләтле йәштәрҙе дәртләндереү маҡсатында булдырылған. 2002 йылдан алып уның күләме 150 мең һумға тиклем артты. Премияны ике йылға бер тапҡыр тапшыралар. 12 йыл эсендә 20 йәш ғалим һәм 10 коллектив лауреаттар булды.
Дәүләт премиялары тураһында ҡағиҙә һәм документтарҙың исемлеге (формалары) БР Йәштәр сәйәсәте һәм спорт министрлығының рәсми сайтында «Йәштәр сәйәсәте» бүлегендә урынлаштырылған.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».