Өфөлә «Башҡортостандың йыл уҡытыусыһы-2014» конкурсы старт алды

Эльмира Сабирова

Өфөлә «Йыл уҡытыусыһы-2014» бөтә Рәсәй конкурсының республика этабы башланды. Быйыл төбәктең иң яҡшы уҡытыусыларының алтын фондына инеү хоҡуғына 117 кеше ярышасаҡ.

БР Мәғарифты үҫтереү институтында педагогия оҫталығын күрһәтеүҙе асҡанда БР Хөкүмәте Премьер-министры урынбаҫары Лилиә Ғүмәрова билдәләүенсә, «бындай конкурстар иң яҡшы уҡытыусыларҙы, иң яҡшы тәжрибәне асыҡларға ярҙам итә. Үҙенсәлекле уҡытыу тәжрибәһе бөртөкләп йыйыла һәм һуңынан беҙҙең республика һәм Рәсәй белем биреү системаһында ғәмәлгә ашырыла. Беҙ уртаҡ бер эште башҡарабыҙ: Башҡортостан Республикаһының, Рәсәйҙең ысын гражданын тәрбиәләйбеҙ».

БР мәғариф министры урынбаҫары Владимир Аристархов әйтеүенсә, йылдан-йыл «Йыл уҡытыусыһы» конкурсы үҙенең ойошторолоуо, йөкмәткеһе буйынса сифатлы яңы кимәлгә сыға.

- 2014 йыл республика өсөн алға китешле һәм беҙҙең еңеүсе кәм тигәндә Рәсәйҙең иң яҡшы биш уҡытыусыһы исемлегенә инеүен теләр инек, — тип теләне конкурста ҡатнашыусыларға министр урынбаҫары.

Ҙур жюри рәйесе, М.Аҡмулла исемендәге Башҡорт дәүләт педагогия университеты ректоры Рәил Әсәҙуллин былай тине: «Жюри ағзалары – күпте күргән халыҡ, үҙ һөнәри эшен улар үтәйәсәк, әммә улар ҙа еңеүсене көтөү менән бәйле ниндәйҙер тулҡынланыу кисерә. Бында аналогия үткәрәһе килә: бөтә сәнғәттең иң юғары нөктәһен музыка тип атайҙар, шулай уҡ педагогия эшмәкәрлеге лә – ул һөнәр һәм сәнғәт. Һәр ҡатнашыусының бурысы – был һөнәр менән нисек яҡшы ҡулланыуын күрһәтеү. Һеҙҙе баһалаясаҡ критерийҙар, нормативтар булыуға ҡарамаҫтан, үҙегеҙгә жюри ағзаларына оҡшауҙы маҡсат итеп ҡуймағыҙ. Иң мөһиме – үҙ-үҙең булып ҡалыу. Был уңыштың сере лә инде».

Асыҡ дәрестәр, класс сәғәттәре, оҫталыҡ кластары, түңәрәк өҫтәлдәр һәм педагогик бәхәстәр йомғаҡтары буйынса абсолют еңеүсе һәм биш лауреат билдәләнәсәк. Уларҙың исемдәре конкурсты ябыу тантанаһында 8 апрелдә билдәле буласаҡ.

Конкурстың 24 йыллыҡ тарихы эсендә унда ике мең самаһы уҡытыусы ҡатнашҡан.

1 из 4

#конкурстар #«башҡортостандың йыл уҡытыусыһы-2014»

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.