Өфөлә ПЭТ-үҙәк һәм күҙәнәкле технологиялар буйынса үҙәк барлыҡҡа киләсәк

Гөлфиә Акулова

Апрель аҙағында Өфөлә ПЭТ-үҙәк эшләй башлаясаҡ, унда республика халҡы яңы томографик аппараттарҙа тулыһынса бушлай тикшеренеү үтә аласаҡ. Был һәм башҡа яңылыҡтар тураһында журналистар менән осрашыуҙа БР һаулыҡ һаҡлау министры Георгий Шебаев һөйләне.

- Республиканың бөтә һаулыҡ һаҡлау учреждениеларының эше нигеҙләнгән, төп документ - 2013-2020 йылдарға «БР һаулыҡ һаҡлауҙы үҫтереү» оҙаҡ сроклы маҡсатлы программа, — тип хәбәр итте министр.

Һаулыҡ һаҡлау өлкәһендә етди үҙгәрештәр булды. Бер йыл эсендә ҙур булмаһа ла, әммә халыҡтың дөйөм үлеме кәмене, тыуым артты.

- Модернизациялау программаһы ваҡыты эсендә квалификациялы белгес-неонатологтар әҙерләүгә һәм учреждениены кәрәкле ҡорамалдар менән йыһазландырыуға өлгәштек. Бала табыуҙа ярҙам итеү менән бәйле, медицина өлөшө ҡуйылған маҡсаттарҙы үтәне. Балалар үлеме 2013 йылғы күрһәткестәр буйынса бер мең иҫән тыуғанға 7,6 тәшкил итте. Был һан планға ҡуйылған «юл картаһында» ундан бер өлөшкә түбәнерәк һәм уртаса Рәсәй күрһәткестәренән түбәнерәк, — тип билдәләне Георгий Шебаев.

- Ҡыуатов исемендәге Республика клиник дауахана ҡарамағындағы Европа кимәлендәге эшләп килгән яңы бала табыу йорто менән бер рәттән, ағымдағы йылда Октябрьский ҡалаһында перинаталь үҙәк барлыҡҡа киләсәк. Ай дауамында республиканың төньяҡ-көнсығышында Мәсәғүт ауылында стационар асыласаҡ.

БР Һаулыҡ һаҡлау министрлығы быйыл республикала төбәк ҡан тамырҙары үҙәктәре селтәренә тағы ла бер пункты Октябрьский ҡалаһында өҫтәргә ниәтләнә. Былтырҙан алып бындай үҙәк Стәрлетамаҡта, Өфөнөң 21-се, 22-се дауаханаларында һәм республика кардиологик диспансерында эшләй. Иң күбендә дүрт сәғәт ярым эсендә ҡан тамыры боҙолоуына зарланған пациентҡа бөтә кәрәкле тикшереү эшләнергә һәм артабанғы дауалау планы билдәләнергә тейеш.

Онкологияны диагностикалауға ҡағылғанда, апрель аҙағына Өфөлә Позитрон-эмиссия томография үҙәге эшләй башларға тейеш. Пландар буйынса йылына бында өс мең кешене ҡабул итәсәктәр. Киләсәк медицина учреждениеһының яңылығы – шешкә радиация нуры менән нөктәле тәьҫир итеүсе кибер-бысаҡ.

Һаулыҡ һаҡлау министрлығы, киләһе йылда трансплантологияны үҫтереү буйынса ла эш дауам ителәсәк, тип билдәләне. 2013 йылда Ҡыуатов исемендәге Республика клиник дауаханала бауырҙы күсереү буйынса операция уңышлы үтте һәм кардиохирургия диспансерында йөрәктең ике трансплантацияһы уҙғарылды.

- Ағзаларҙы күсереү мөмкинлеге – ул тотош һаулыҡ һаҡлау системаһы эшенең индикаторы. Был өлкәлә Европа кимәлендә медицина ярҙамы күрһәтеүгә өлгәштек, — тип билдәләне Георгий Шебаев.

Министр Өфөлә Башҡорт дәүләт медицина университеты клиникаһы ҡарамағында күҙәнәкле технологиялар буйынса үҙәк төҙөү планы тураһында ла һөйләне, унда елек күсереү буйынса операциялар үткәреү күҙаллана.

#һаулыҡ һаҡлау #матбуғат конференцияһы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.