Воскресенье, 10 Мая 2026

Уфа

-1 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:06 (UTC+5), 21 Февраля 2014

Баш ҡалала Советтар Союзы Геройы Таһир Кусимовтың тыуыуына 105 йыллыҡты билдәләнеләр

Ринат Сәғитов

Өфө Актерҙар йортонда Советтар Союзы Геройы Таһир Кусимовтың тыуыуына 105 йыллыҡҡа арналған хәтер кисәһе үтте.

Геройҙы иҫкә алырға Бөйөк Ватан һуғышы ветерандары, дәүләт һәм йәмәғәт ойошмалары вәкилдәре, Миңлеғәле Шайморатов исемендәге Рәсәй Эске эштәр министрлығы ғәскәрҙәренең махсус тәғәйенләнештәге 29-сы отряды хәрби хеҙмәткәрҙәре, шулай уҡ Таһир Кусимовтың туғандары һәм яҡташтары килгәйне. Ҡунаҡтар араһында 112-се Башҡорт кавалерия дивизияһының Таһим Кусимов етәкселегендәге 275-се кавалерия полкы яугирҙарының балалары, ейәндәре, туғандары булды.

112-се Башҡорт кавалерия дивизияһы музейы хеҙмәткәрҙәре ҡунаҡтарға «Таһир Кусимовтың батырлыҡ һәм дан юлы» исемле фотокүргәҙмә күрһәтте. БР Милли китапханаһы Герой тураһында мәҡәләләр йыйғайны, ә Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты осрашыуҙа ҡатнашыусыларға хәрби тематикаға китаптар тәҡдим итте.

Кисәнең тантаналы өлөшөндә ҡунаҡтарға Таһир Кусимовтың данлы һуғыш юлы, тормошо һәм эшмәкәрлеге тураһында һөйләнеләр. Бөтә сығыш яһаусылар ҙа Советтар Союзы Геройының хәрби кадрҙар әҙерләүҙә ҙур ролен һәм йәштәрҙең патриотик тәрбиә эшендә ғәйәт ҙур өлөшөн баһаланы.

Әбйәлил районы делегацияһы 112-се Башҡорт кавалерия дивизияһы музейына Таһир Кусимов тураһында фотоматериалдар тапшырҙы. Концерт программаһында Геройҙың яҡташтары, Өфө сәнғәт училищеһы, Ленин районының 7-се музыка мәктәбе студенттары сығыш яһаны.

Белешмә. Кусимов Таһир Тайып улы (1909-1986) Башҡортостандың Әбйәлил районында крәҫтиән ғаиләһендә тыуған. Советтар Союзы Геройы, генерал-майор, 16-сы гвардия Чернигов кавалерия дивизияһының 58-се гвардия кавалерия полкы командиры. Ул 1941 йылдың декабрендә Өфөлә 112-се Башҡорт кавалерия дивизияһы итеп ойошторола.

1 из 14

#хәтер.таһир кусимов

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.