Өҫтәмә ял 24 февралдән 3 ноябргә күсерелгән

Өҫтәмә ял көнө Рәсәйҙә 24 февралдән 3 ноябргә күсерелгән. Был турала киң мәғлүмәт саралары Хеҙмәт һәм мәшғүллек буйынса федераль хеҙмәт етәксеһе урынбаҫары Иван Шкловцҡа таянып хәбәр итә.

Быйыл Ватан һаҡсылары көнө, 23 февраль, йәкшәмбегә тура килә. Шунлыҡтан, дүшәмбе рәсәйлеләр өсөн законлы ял көнө булырға тейеш ине. Әммә, Иван Шкловец аңлатыуынса, 2014 йылда ял көндәрен күсереү тураһында РФ Хөкүмәте Ҡарарына ярашлы дүшәмбелә ял көнө 24 февралдә түгел, ә 3 ноябрҙә буласаҡ. «Рәсәйлеләр 22 һәм 23 февралдә ял итәсәк һәм өҫтәмә көн ноябрҙә буласаҡ», — тип хәбәр итте Хеҙмәт һәм мәшғүллек буйынса федераль хеҙмәт етәксеһе урынбаҫары.