Өфөлә «Ҡайғырыусы әсә» мемориалына сәскә һалдылар

Ринат Сәғитов

Өфөлә «Ҡайғырыусы әсә» мемориалына — Афғанстан Республикаһында һәләк булған яугир-интернационалистарға иҫкә алып сәскәләр һалыу тантанаһы үтте.

Тантанала Башҡортостан Республикаһы Хөкүмәте Премьер-министры урынбаҫары Марат Мәһәҙиев, Өфө ҡала хакимиәте башлығы Ирек Ялалов, яугир-интернационалистар һәм уларҙың ғаиләләре, локаль һуғыштарҙа ҡатнашыусылар, ветерандар, йәштәр һәм йәмәғәт ойошмалары вәкилдәре ҡатнашты.

Ҡала хакимиәтенән хәбәр итеүҙәренсә, совет ғәскәрҙәрен Афғанстандан сығарыуға арналған саралар сиктәрендә, Республиканың Хәрби Дан музейында «Башҡортостандың яугир-интернационалистары» экспозицияһы эшләй. Баш ҡала халҡы һәм Өфө ҡунаҡтары Афған һуғышында республика халҡы ҡатнашыуы тураһында материалдар йыйыуҙа үҙ өлөшөн индерә ала.

15 февралдә Өфөлә ветерандар менән осрашыуҙар, тематик күргәҙмәләр, батырлыҡ дәрестәре, концерттар, спорт эстафеталары, класс сәғәттәре, лекциялар, һәләк булған һалдаттарға ҡуйылған һәйкәлдәр эргәһендә митингтар үткәреү планлаштырылған. Шулай уҡ был көндө хәтер акциялары республиканың бөтә ҡалаларында һәм райондарында уҙасаҡ.

Иҫегеҙгә төшөрәбеҙ, йыл һайын 15 февралдә Рәсәйҙә совет ғәскәрҙәрен Афғанстандан сығарыуға арналған саралар уҙғарыла. Был көн Рәсәй тарихының иҫтәлекле даталары календарына индерелгән һәм дәүләт кимәлендә билдәләнә.

25 йыл элек һалдаттар һәм офицерҙар үҙенең хәрби бурысын намыҫ, батырлыҡ һәм ҡаһарманлыҡ менән үтәп тыуған еренә әйләнеп ҡайта. 1979 йылдан алып 1989 йылға тиклем Афғанстан территорияһында булған ғәскәрҙәрҙә Башҡортостандан туғыҙ мең ярымдан ашыу һалдат һәм офицер хеҙмәт үтә, уларҙың 300-ҙән ашыуы һәләк була.

2010 йылда иҫтәлекле көн «Хәрби бурысын сит яҡтарҙа үтәгән рәсәйлеләрҙе иҫкә алыу көнө» раҫлана.

1 из 8

#хәтер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.