Понедельник, 4 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

06:33 (UTC+5), 31 Января 2014

Республика Президенты Өфөлә шәхси балалар баҡсаһын һәм яңы йорт комплексының төҙөлөш майҙансығында булды

"Башинформ"

30 ғинуарҙа Башҡортостан Президенты Рөстәм Хәмитов Өфө буйынса эш сәфәре барышында «Умка» шәхси балалар баҡсаһын ҡараны һәм Баҡалы урамында яңы йорт комплексының төҙөлөшө барышы менән танышты, тип хәбәр иттеләр төбәк башлығының матбуғат хеҙмәтендә.

«Умка» балалар баҡсаһы 2013 йылдың октябрендә асылған. 174 квадрат метр майҙанлы муниципаль бина балаларҙы ҡарау буйынса шәхси эшҡыуар Евелина Северинаға ҡуртымға бирелгән.

Бина менән ҡулланыуға ай һайын түләү 27 мең һум тәшкил итә, әммә ул белем биреү эшмәкәрлегенә лицензия алғандан һуң ҡуртым хаҡы 21 мең һумға тиклем кәмейәсәк.

«Әлбиттә, ҡала бюджеты ниндәйҙер табыш алмаясаҡ, әммә был ҡурҡыныс түгел. Беҙ икенселә уңышҡа өлгәшәсәкбеҙ», – тип билдәләне Рөстәм Хәмитов.

Бөгөн мәктәпкәсә учреждениеға йәш ярымдан алып өс йәшкә тиклем 15 бала йөрөй. Балалар баҡсаһы тағы ла 10 баланы ҡабул итергә әҙер. Шәхси балалар баҡсаһында баланы тәрбиәләгәндәре өсөн ата-әсәләр айына 15 мең һум түләй. Өфө ҡала хакимиәте башлығы вазифаһын ваҡытлыса башҡарыусы Ирек Ялалов һөйләүенсә, һуңғы йыл эсендә дәүләттеке булмаған балалар баҡсаларының һаны Башҡортостандың баш ҡалаһында 54-тән 112-гә тиклем артты.

Һуңынан Рөстәм Хәмитов Баҡалы урамындағы төҙөлөш майҙансығында булды, унда 25 ҡатлы өс йорттан торған «СтройФедерация» заманса йорт комплексы төҙөлә.

Республика Президенты яңы йортта тулыһынса йәшәргә әҙер булған бер нисә фатирҙы ҡараны. Рөстәм Хәмитов, үҙенең абруйы тураһында ҡайғырған республика төҙөлөш компанияларына ярҙам итергә кәрәк, тип билдәләне.

«Миңә үтәлгән эштәрҙең сифаты оҡшай, бөтә яҡшы эшләнгән һәм лайыҡлы күренә», – тип билдәләне Рөстәм Хәмитов.

«СтройФедерация» Инвестиция-төҙөлөш компанияһы» яуаплылығы сикләнгән йәмғиәте төҙөгән йорттарҙа республикала беренсе тапҡыр «Аҡыллы өй» концепцияһы ғәмәлгә ашырылған. Ул йорттарҙа йәшәүселәргә электр һәм йылылыҡ энергияһын һаҡсыл тотонорға ярҙам итеүсе, шулай уҡ хәфефһеҙлекте һәм элемтәне тәьмин итеүсе заманса техник алымдар (датчиктар, счетчиктар һәм видеокамералар) комплекты.

Бынан тыш, төҙөүселәр Башҡортостан Президенты менән яңы сит ил технологияһын индереп юғары ҡатлы йорттарҙы тиҙ күтәреү пландары менән уртаҡлашты. Киләсәктә төҙөлөш компанияһы Өфөлә заманса тормош концепцияһы тулыһынса тормошҡа ашырылыр даунтаун төҙөргә тәҡдим итә. Рөстәм Хәмитов был идеяны хупланы.

1 из 14

#бр президентының эш сәфәрҙәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.