Республиканың иң яҡшы киң мәғлүмәт саралары һәм полиграфия хеҙмәткәрҙәре баһаланды

Эльвира Латипова

РФ Элемтә һәм киң коммуникациялар министрлығының Почет грамоталары менән Башҡортостандың иң яҡшы 23 киң мәғлүмәт саралары һәм полиграфия хеҙмәткәрҙәре бүләкләнде. 24 ғинуарҙа Өфөлә наградлау тантанаһы үтте.

- Бөгөн бүләкләнеүселәр араһында журналистар ғына түгел, — тине наградаларҙы биреү тантанаһында Матбуғат һәм киң мәғлүмәт саралары агентлығы етәксеһе Борис Мелкоедов. — Яҡшы материал сыҡһын өсөн, бер журналистың ғына эше етмәй. Ул күп кешеләрҙең ғәйәт ҙур эше.

БР Республика мәҙәниәт хеҙмәткәрҙәре профсоюзы рәйесе Александр Кузьменко билдәләүенсә, ведомствоның юғары наградаһына тәҡдим итеүгә үҙенең иң яҡшы хеҙмәткәрҙәрен коллективтар үҙҙәре сығарҙы, һәм тап ул – иң ҙур танылыу.

Наградланыусылар араһында – төрлө-төрлө һөнәр вәкилдәре. Бына шулай, Рәзилә Гелметдинова –«Йәншишмә» гәзите редакцияһында баш бухгалтер, Нәсимә Исхакова – Өфө полиграфия комбинатының баҫмаға тиклем әҙерлек учаткаһының сығарыу төҙөлөшө операторы, Рудольф Ишбулатов – Яңауыл телевидениеһында өлкән видеооператор, Надежда Кристина Белорет матбуғат йортонда иҡтисадсы булып эшләй. Географияһы ла киң: Өфө, Октябрьск, Яңауыл, Белорет, Салауат, Саҡмағош, Хәйбулла, Мишкә, Асҡын, Шишмә, Күгәрсен райондары.

РФ Элемтә министрлығының Почет грамотаһы был өлкәлә 10 йылдан ашыу эшләгән матбуғат, киң мәғлүмәт саралары, нәшриәт һәм полиграфия хеҙмәткәрҙәренә бирелә. Наградлауҙың инициаторҙары булып Республика мәҙәниәт хеҙмәткәрҙәре профсоюзы ярҙамында профсоюз ойошмалары сығыш яһай. 2010-2013 йылдарҙа Рәсәй Элемтә министрлығының Почет грамотаһы менән Башҡортостандың 70-тән ашыу вәкиле баһаланды.

#наградлауҙар #киң мәғлүмәт саралары #полиграфия

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.