Өфөлә яңы башҡорт баҫмаларын презентациялау үткәрелде

Арина Рәхимҡолова

Мәжит Ғафури исемендәге Башҡорт академия драма театрында күренекле сәсән Мөхәмәтша Буранғоловтың 125 йыллығына арналған фундаменталь һәм ҡулланма ғилми хеҙмәттәрҙе, «Фән — халыҡҡа» академик баҫмаларын презентациялау үткәрелде. Уны Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты һәм БР Башҡорт ҡатын-ҡыҙҙары йәмғиәте ойошторҙо.

Китаптарҙы презентациялауҙа ғалимдар, сәнғәт эшмәкәрҙәре, уҡытыусылар, студенттар, уҡыусылар һәм тарих, мәҙәниәт менән ҡыҙыҡһынған, үҙ халҡының теле яҙмышына битараф булмаған барыһы ла ҡатнашты. Тантанала ҡатнашыусыларға «Урал батыр» ҡобайырҙар циклын ЮНЕСКО тарафынан булдырылған матди булмаған кешелек мираҫы хазиналары исемлегенә индереү мәсьәләһенә арналған «Башҡорттарҙың эпик мираҫында Урал-батыр ере» документаль фильмы күрһәтелде.

Шулай уҡ кисәлә ете томлыҡ «Башҡорт халҡының тарихы» коллектив монографияһының VII томын, күп томлы «Башҡорт теленең академик һүҙлеге»нең V томын, «Башҡорт сәсәндәре мәктәбе» китабын, «Экспедиция материалдары» йыйынтығын тәҡдим иттеләр.

ТӨРКСОЙ Халыҡ-ара ойошмаһында БР Мәҙәниәт министрлығы вәкиле Әхәт Сәлихов төрки халыҡтарҙың халыҡ-ара мәҙәниәтенә ҙур өлөш индергәне өсөн филология фәндәре докторы, профессор Фирҙәүес Хисаметдиноваға ТӨРКСОЙ –ҙың 20 йыллығы иҫтәлекле миҙалын тапшырҙы.

Мифтахетдин Аҡмулла исемендәге Башҡорт дәүләт педагогия университеты студентарының «Урал-батыр»эпосынан өҙөктәр башҡарыуы һәм Рәми Ғарипов исемендәге 1-се башҡорт гимназия-интернаты уҡыусыларының «Урал» көйөн ҡурайҙа уйнауы кисәнең биҙәге булып торҙо.

#фән #китаптар #презентациялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.