94.09
-0.23
Башҡортостан һәм Өфө яңылыҡтары
100.53
+0.25
87.13
+0.02
18+ °C
Ясна
Бөтә яңылыҡтар
Йәмғиәт
12 Декабрь 2013, 13:23
Учалы районында 41 йәш ғаилә торлаҡ шарттарын яҡшырта алды
Учалы районы хакимиәтендә тантаналы рәүештә йәш ғаиләләргә торлаҡ һатып алыуға социаль түләүҙәр тапшырылды. Улар барыһы ла — торлаҡ шарттарын яҡшыртыуға мохтаж йәш ғаиләләргә республика дәүләт ярҙамы программаһында ҡатнашыусылар.
Район хакимиәтенең мәғлүмәт-аналитика бүлегендә һөйләүҙәренсә, торлаҡ сертификаттары дөйөм 20 миллион һумдан ашыуға 41 ғаиләгә бирелде. Тантаналы шарттарҙа Учалы районы хакимиәте башлығы Фәрит Дәүләтгәрәев барыһын да ихлас ҡотлап, уларға көтөп алған документтарҙы тапшырҙы.
— Ғаилә институтына ярҙам илебеҙ, республикабыҙ социаль сәйәсәтендә өҫтөнлөклө булды һәм булып ҡала, — тип билдәләне район етәксеһе. — Бөгөн ғаиләнең абруйын күтәреүгә, әсәлекте һәм балалыҡты һаҡлауға ҙур иғтибар бирелә. Һуңғы өс йылда районыбыҙҙың 181 ғаиләһе ошондай сертификаттар алды.
Быйыл район хакимиәте йәш ғаиләләргә субсидиялар алыуға документтар әҙерләү буйынса ҙур эш башҡарҙы, һөҙөмтәлә Учалы районы алынған сертификаттар һаны буйынса республикала Өфөнән һәм Стәрлетамаҡтан ҡала өсөнсө урынды биләне.
Йәш ғаиләләрҙең күбеһе тантанаға балалары менән килгәйне, шуға күрә район хакимиәте башлығы социаль ярҙам мәсьәләләренә айырым иғтибар бүлде, һуңғы йылдарҙа тыуым күрһәткестәре юғары булыуын билдәләне. Быйыл районда 1154 сабый тыуған, уҙған йылдың ошо уҡ осоронда — 1127 ине.
Субсидияларҙың минималь суммаһы 297 мең һум тәшкил итте, максималь — 875 мең һум. Сертификат алыусылар был аҡсаны фатир һатып алыуға, йорт төҙөүгә йәки булған торлаҡ майҙанын киңәйтеүгә тәүге взнос итеп файҙалана ала.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».