Кесе йома, 16 Апрель 2026

Өфө

+11 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

11:45 (UTC+5), 12 Декабрь 2013

Башҡортостандың 57 ҡатын-ҡыҙына «Әсәлек даны» миҙалы тапшырылды

Эльмира Сабирова

Тағы 57 күп балалы әсә «Әсәлек даны» миҙалы алды. Күкрәккә таға торған билдәгә өҫтәп аҡсалата премия ла бирелде. Юғары дәүләт наградаһын ҡатын-ҡыҙҙар Башҡортостан Хөкүмәте Премьер-министры урынбаҫары Лилиә Ғүмәрованың ҡулынан алды.

Вице-премьер билдәләүенсә, бөгөнгө тантана — иҫәбе буйынса 107-се, һәм ул РФ Конституцияһы көнөндә үтә.

— Конституция — беҙҙең хоҡуҡтарыбыҙҙы яҡларға, беҙгә лайыҡлы тормош тәьмин итергә һәм, беренсе сиратта, ғаиләне, әсәлекте һәм балалыҡты яҡларға тейешле төп документ, — тине Лилиә Ғүмәрова. — Һис шикһеҙ, бөгөн илдә, республикала ғаиләгә, бигерәк тә күп балалы ғаиләләргә ярҙам итеү өсөн күп эштәр башҡарыла. Тик Башҡортостанда ғына 30 төрҙән ашыу пособиелар түләнә. Йыл һайын был маҡсаттарға кәмендә өс миллиард һум аҡса йүнәлтелә.

Шулай уҡ Башҡортостанда күп балалы ғаиләләрҙе торлаҡ менән тәьмин итеү программаһы эшләп килә. Ул ғәмәлгә ингәндән алып 170 ғаилә 400 миллион һум күләмендә дөйөм суммаға торлаҡ сертификаттары алды. Тағы ла 1300-ҙән ашыу ғаилә сиратта тора.

Лилиә Ғүмәрова әйтеүенсә, киләһе йылда үрҙә телгә алынған программаға билдәле бер үҙгәрештәр индереләсәк.

— Әгәр ғаиләләр бөгөн билдәле бер сумманы индерһә, бер өлөшөн муниципалитет бүлһә, сират күпкә тиҙерәк алға барасаҡ, — тип иҫәпләй вице-премьер.

Һүҙен йомғаҡлап, Лилиә Ғүмәрова әсәләргә һоҡланыуын белдерҙе, бала тәрбиәләү — ул күңелле мәшәҡәттәр генә түгел, шулай уҡ бик ҡатмарлы хеҙмәт тә, тип билдәләне.

Наградланыусылар араһында — республиканың төрлө мөйөштәренән герой-әсәләр, уларҙың һәр береһе үҙенсә бәхетле.

1 из 14

#наградалар #күп балалы әсәләр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.