Өфөлә эшсе йәштәр проблемаларына арналған халыҡ-ара форум үтте

: Арина Рәхимҡолова

Өфөнөң «Динамо» спорт комплексында Евразия Металлистар федерацияһының 20 йыллығына арналған Халыҡ-ара йәштәр форумы үтте. Сараны ойоштороусы — машиналар эшләү тармаҡтарының Профсоюздар ассоциацияһы.

Форумда Рәсәйҙең машиналар эшләү предприятиеларынан эшсе һөнәрҙәре вәкилдәре, Украинанан һәм Төркиәнән, Башҡортостан ҡалаларынан һәм райондарынан делегациялар — бөтәһе 900-гә яҡын кеше ҡатнашты.

Конференцияла йәштәрҙе борсоған проблемалар күтәрелде. Ҡатнашыусылар түбән эш хаҡы кимәлен, торлаҡ һатып алыу мөмкин булмауын, квалификациялы кадрҙар етешмәүен һәм башҡа бик күп мәсьәләләрҙе тикшерҙе.

Һәр ҡатнашыусы БР министрлыҡтары һәм ведомстволары вәкилдәренә һорауҙар бирә һәм уларға яуап ала алды.

— Белем алдыҡ, ә артабан нимә? Беҙ предприятиеларҙағы күп проблемаларҙы хәл итергә маташабыҙ, ләкин дәүләт органдары ярҙамынан тыш хәл итеп булмаҫтайҙары байтаҡ, — тип билдәләне республиканың сәнәғәт предприятиеларынан йәштәр вәкилдәре.

Форум барышында презентациялар менән Төркиәнән һәм Украинанан делегациялар вәкилдәре, БР машина эшләүселәр профсоюзы һәм Рәсәй авиация сәнәғәте хеҙмәтсәндәре профсоюзының Республика ойошмаһы командалары сығыш яһаны.

Конференция йомғаҡтары буйынса бер тауыштан резолюция ҡабул ителде, ул Рәсәй Федерацияһы һәм Башҡортостан Республикаһы Хөкүмәттәренә, Эш биреүселәр союзына, Рәсәй Бойондороҡһоҙ профсоюздар федерацияһына һәм уның бөтә кимәлдәрҙәге структура ойошмаларына, Йәштәр профсоюз советтарына һәм уларҙың ағзаларына ебәреләсәк. «Мираҫ», «Арғымаҡ» ижади коллективтарының һәм башҡа артистарҙың сығыштары форумды биҙәне, тип хәбәр иттеләр БР Профсоюздар федерацияһы матбуғат үҙәгенән.

#бр профсоюздар федерацияһы #форумдар #йәштәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.