Баш ҡала Ҡотҡарыу хеҙмәте диспетчерҙары – иң яҡшылар

Арина Рәхимҡолова

Өфө «112 Ҡотҡарыу хеҙмәте» мәғлүмәти-диспетчер үҙәге «Волга буйы федераль округы муниципаль берәмегендә иң яҡшы берҙәм дежур-диспетчер хеҙмәте» конкурсында еңеү яуланы. Өфө Мәғлүмәти-диспетчер үҙәге «Рәсәй Федерацияһының Волга буйы федераль округы субъектының административ үҙәге булған ҡала округында иң яҡшы берҙәм дежур-диспетчер хеҙмәте» номинацияһында лидер тип танылды. Был номинацияла икенсе урынды Киров ҡалаһы Берҙәм дежур-диспетчер хеҙмәте, өсөнсө урынды Түбәнге Новгород хеҙмәте яуланы.

Диспетчер хеҙмәттәрен баһалаған критерийҙар шаҡтай күп яҡлы. Хеҙмәттәрҙең заманса техник саралар менән тәьмин ителеше, юғары кадрҙар менән тулыланыуы, уларҙың әҙерлек кимәле, шулай уҡ һәр диспетчерҙың килеп тыуған ғәҙәттән тыш хәлдә оҫта эш итеү һәләте иғтибарға алынды.

Өфө мәғлүмәти-диспетчер үҙәге 1999 йылдың 30 авгусында ойошторолған. Эшләй башлағандан алып оператив дежур итеүселәр граждандарҙан алты миллиондан ашыу мөрәжәғәт ҡабул иткән һәм уларҙың береһе лә иғтибарһыҙ ҡалдырылмаған: хеҙмәткәрҙәр шылтыратыуҙы ҡабул итә, тикшерә, тейешле хеҙмәттәргә йүнәлтә һәм килеп тыуған мәсьәләне хәл итеүҙе мотлаҡ контролдә тота.

Өфө «112 Ҡотҡарыу хеҙмәте» мәғлүмәти-диспетчер үҙәге Ғәҙәттән тыш хәлдәр министрлығының Волга буйы төбәк үҙәгенең күсмә кубогы һәм Почет грамотаһы менән бүләкләнде, тип хәбәр иттеләр ҡала хакимиәтенең матбуғат хеҙмәтенән.

#муниципаль берәмектәр #ҡотҡарыу хеҙмәте #конкурстар #пфо

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.