81.14
0
Башҡортостан һәм Өфө яңылыҡтары
92.22
0
67.96
+2.11
15+ °C
Ямғыр
Бөтә яңылыҡтар
Йәмғиәт
4 Декабрь 2013, 12:40
Инвалидтарға уңайлы мөхит булдырыуға федераль бюджеттан 100 миллион һум аҡса бүленә
Башҡортостан инвалидтар өсөн уңайлы мөхит булдырыуға федераль бюджеттан 100 миллион һумдан ашыу аҡса ала. Республика үҙе лә шул тиклем үк сумма бүлә. Был турала «Башинформ» агентлығында үткән матбуғат конференцияһында БР хеҙмәт һәм халыҡты социаль яҡлау министры Ленара Иванова хәбәр итте.
Уның әйтеүенсә, инвалидтар өсөн уңайлы мөхит булдырыу буйынса проекттарҙы тормошҡа ашырыу киләһе йылда тағы ла әүҙемерәк алып барыласаҡ, сөнки финанслау күләме федераль ҡаҙнанан бүленгән аҡсалар иҫәбенә һиҙелерлек артасаҡ.
Уңайлы мөхит — ул цивилизацияға аҙым, һәм уны бөтә ерҙә лә индерергә кәрәк, тип иҫәпләй Ленара Иванова.
Бында, инвалидтар йәмәғәт ойошмалары етәкселәре билдәләүенсә, «уңайлы мөхит» төшөнсәһе — ул пандустар төҙөү генә түгел, шулай уҡ мәғлүмәти һәм социаль-мәҙәни шарттар булдырыу ҙа.
Брифинг Халыҡ-ара инвалидтар көнөндә үткәрелде, әммә Ленара Иванова билдәләүенсә, был байрам түгел, ә «инвалидтарға айырым иғтибар һәм ярҙам көнө».
Ведомство мәғлүмәттәренә ярашлы, Башҡортостанда инвалидтар һаны бер аҙ кәмей, шул уҡ ваҡытта инвалид балалар һаны арта. Иң элек, был яңы тыуған сиктән тыш бәләкәй сабыйҙарҙы аяҡҡа баҫтырыу менән бәйләнгән.
Инвалидты реабилитациялауҙың юғары нөктәһе итеп Ленара Иванова уны эшкә урынлаштырыуҙы атаны. Әммә әлегә был ҙур проблема.
— Эш биреүселәрҙең бурысы — эшкә урынлаштырыу буйынса квоталарҙы күҙәтеү, — тип һыҙыҡ өҫтөнә алды министр. — Әгәр законды боҙһалар — штраф һалынасаҡ.
Коррекцион белем биреү тураһында һөйләгәндә, ведомство башлығы, ул инклюзив белем биреү менән бер рәттән алып барылырға тейеш, тип билдәләне. Ләкин бында ла проблемалар етерлек. Иң мөһиме – уҡытыу сифаты. Бөгөн был коррекцион мәктәптәрҙә эшләрлек уҡытыусылар әҙерләү планында дәүләт сәйәсәте юҡ. Республикала бындай мәктәптәр 47.
— Әгәр унда эшләрлек уҡытыусылар булмаһа, унан кемдәр сығарылыр – әйтеүе ҡыйын, — тип билдәләне Ленара Иванова. — Инвалид балалар уҡый алырлыҡ коррекцион мәктәптәрҙең һәм ҡәҙимге колледждарҙың төп бурысы — кешене аҙаҡтан үҙен-үҙе тәьмин итеп йәшәй алырлыҡ оҫталыҡ менән ҡоралландырыу.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».