Башҡортостан Үҙәк һайлау комиссияһы РФ һайлау системаһына 20 йыл тулыуын билдәләне

Ғәлиә Нәбиева

Башҡортостан Республикаһының Дәүләт Йыйылышы – Ҡоролтай Йортонда Рәсәй Федерацияһының һайлау системаһына 20 йыл тулыуға бәйле тантаналы ултырыш үтте. Сарала БР Дәүләт Йыйылышы – Ҡоролтай Рәйесе Константин Толкачев һәм Президент Хакимиәте етәксеһе урынбаҫары Фидус Ямалетдинов ҡатнашты.

Республика Үҙәк һайлау комиссияһы башлығы Хәйҙәр Вәлиев Рәсәйҙә һайлау системаһының барлыҡҡа килеүе, һайлау институтының үҫеше хаҡында һөйләне, Башҡортостан Республикаһы территорияһында 2013 йылдың 8 сентябрендәге Берҙәм тауыш биреү көнөнә йомғаҡ яһаны.

Хәйҙәр Вәлиев һуңғы йылдарҙа һайлау ҡануниәтендә булған яңы үҙгәрештәргә ентекле туҡталды. Беренсе тапҡыр һайлау күп партиялылыҡ шарттарында үтте. Бөтә сәйәси хәрәкәттәр вәкилдәре участка комиссиялары ойоштороуҙа ҡатнаша алды, уларҙың составы биш йылға һайланды.

Яңы үҙгәрештәр иҫәбендә бөтә ил буйынса Берҙәм тауыш көнө лә билдәләнде – 8 сентябрҙә.

Үҙәк һайлау комиссияһы башлығы Дәүләт йыйылышына һайлауҙарҙа бөтә участка комиссияларының килешеп эшләүҙәрен билдәләне. Уның әйтеүенсә, тауыш биреү көнөндә ҡағиҙә боҙоуҙар булманы тиерлек, ә күпселек мөрәжәғәттәр һәм ялыуҙар раҫланманы.

Республиканың Үҙәк һайлау комиссияһы рәйесе коллегаларын Рәсәй һайлау системаһы тарихында матур ваҡиға – уның егерме йыллығы, шулай уҡ яҡынлашып килгән РФ Конституцияһының 20 йыллығы менән ҡотланы.

Һайлауҙарҙы ойоштороусылар Башҡортостан Дәүләт Йыйылышы Рәйесе Константин Толкачевтың ҡулынан юғары наградалар алды. Шулай уҡ һайлау кампанияһын әүҙем сағылдырған республиканың киң мәғлүмәт саралары вәкилдәре билдәләнде. Журналистарға дипломдарҙы һәм сертификаттарҙы БР Үҙәк һайлау комиссияһы рәйесе тапшырҙы.

#бр үһк #һайлауҙар #партиялар #һайлау системаһына 20 йыл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.