Рәсәйҙә Юристар көнө билдәләнә

Арина Рәхимҡолова

Бөгөн, 3 декабрҙә, Рәсәйҙә Юристар көнө билдәләнә. Байрам 2008 йылда Рәсәй Федерацияһы Президенты указы менән ҡабул ителгән. Быға тиклем Рәсәйҙә юристарҙың бер ниндәй ҙә байрамдары булмаған.

Юрист профессияһының төп маҡсаты – законлы ғәҙеллек булдырыу. Донъяла шул тиклем яуаплы, хөрмәтле, абруйлы, шул уҡ ваҡытта ҡатмарлы һөнәрҙәр күп түгел. Закондарҙың мотлаҡ үтәлеше, дәүләттең йәшәйеше һәм хоҡуҡи ойошторолоуы тап судьялар һәм адвокаттарҙан, прокурорҙар һәм приставтарҙан тора.

Бала хоҡуҡтарын яҡлау өлкәһендә юристар ҙур роль уйнай: бәлиғ булмаған балаларға һәм уларҙың законлы вәкилдәренә хоҡуҡтары тураһында консультациялар бирә, документтар әҙерләүҙә ярҙам итә, билдәләнгән осраҡтарҙа бәлиғ булмағандарҙың хоҡуҡтарын судта яҡлай.

Һуңғы йылдарҙа РФ Мәғариф министрлығында йәш юристарҙың сифатлы әҙерлеге тураһында мәсьәлә киҫкен тора – юридик вуздарҙың һанын кәметеү, был һөнәр буйынса ситтән тороп уҡыу формаһын бөтөрөү тураһында тәҡдимдәр индерелде. Министрлыҡ баһалауынса, Рәсәй вуздарында 700 меңдән ашыу студент уҡый, улар академик курстарҙы үткәндән һуң юрист дипломы ала.

Һөнәри байрамдары менән коллегаларын Башҡортостандан Дәүләт Думаһы депутаты, Рәсәй Юристар ассоциацияһы рәйесе Павел Крашенинников ҡотланы. Был юлы байрам ҡәҙимге түгел, сөнки быйыл илдең төп законы – Коституцияның 20 йыллығын билдәләйбеҙ, тип билдәләне ул.

- Быйылғы йыл беҙҙең өсөн ярайһы уҡ ҡатмарлы, эшмәкәрлектең нотариат өлкәһен реформалаштырырға тейешбеҙ. Шулай уҡ Юғары суд Юғары арбитраж суды менән берләштереләсәк, — тип һыҙыҡ өҫтөнә алды үҙенең ҡотлауында Павел Крашенинников.

#һөнәри байрамдар #юрист көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.