Совет ғәскәрҙәрен Афғанстандан сығарыуғҙың 25 йыллығына арналған батырлыҡ дәресе үткәрелде

Арина Рәхимҡолова

Өфөнөң 46-сы лицейында совет ғәскәрҙәрен Афғанстан Республикаһынан сығарыуҙың 25 йыллығына арналған батырлыҡ дәресе үткәрелде. 9-10-сы синыф уҡыусылары менән Дәүләт Думаһы депутаты, запастағы полковник Иршат Фәхретдинов, хәрби хәрәкәттәрҙә ҡатнашыусылар Рафаэль Исхаҡов, Хәтиб Богданов осрашты. Ҡунаҡтар лицеистарға афған һуғышы тураһында һөйләне, төрлө һорауҙарға яуаптар бирҙе.

Балалар һуғыш хәрәкәттәре үҙенсәлектәре, совет һалдаттарының туҡланыу һәм көнкүреш шарттары, Афғанстан граждандарының Советтар Союзына мөнәсәбәте менән ҡыҙыҡһынды. Уҡыусылар СССР Афғанстандың иҡтисадын нығытыуҙа ниндәй ярҙам күрһәтеүе хаҡында һораны, шулай уҡ Дәүләт Думаһының закондар сығарыу эшмәкәрлеге менән ҡыҙыҡһынды. Бөтә һорауҙарға уҡыусылар тулы яуап алды.

— Бөгөн 1979 йылда Афғанстанға совет ғәскәрҙәрен индереү кәрәк булыу-булмауы буйынса төрлө фекерҙәр яңғырай. Һуғыш хәрәкәттәрендә мин үҙем ҡатнаштым һәм, реакцион көстәргә ҡаршы һуғышыу ғына түгел, илебеҙ мәктәптәр, юлдар төҙөүен, агитаторҙар урындағы халыҡ араһында ҙур аңлатыу эше алып барыуын үҙ күҙҙәрем менән күрҙем. Афғанстан үҫеште, халыҡтың көнкүреше яҡшырҙы. 2011 йылдың яҙында Дәүләт Думаһы делегацияһы составында мин Афғанстанда булдым, республика етәкселәре менән осраштым, улар күрһәткән ярҙам өсөн рәхмәт әйтә һәм Рәсәй Федерацияһы менән тығыҙ хеҙмәттәшлек итергә әҙер. Беҙ Ватаныбыҙҙан ситтә хәрби бурысын үтәгән рәсәйлеләр хаҡында онотмаҫҡа тейешбеҙ, — тине Иршат Фәхретдинов.

Лицей директоры вазифаһын башҡарыусы Альбина Әхмәтнурова педагогик коллектив һәм уҡыусылар исеменән йөкмәткеле осрашыу өсөн рәхмәт белдерҙе. Ул, һис шикһеҙ, йәштәргә патриотик һәм рухи-әхләҡи тәрбиә биреүҙә ҙур роль уйнаясаҡ.

1 из 6

#рухи-патриотик тәрбиә

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.