Башҡортостан һәм Өфө яңылыҡтары
76.87
+0.54
87.13
+0.11
87.79
-0.65
-10 °C
Ҡар
Бөтә яңылыҡтар
Йәмғиәт
15 Ноябрь 2013, 18:05

Республикала епшек ҡар яуыуы һәм елдең көсәйеүе көтөлә

Андрей Старостин
Һауа торошо шарттарының кинәт үҙгәреүен фаразлай Башҡортостан Гидрометеорология һәм тирә-яҡ мөхиткә мониторинг идаралығы.
16-18 ноябрҙә һауа торошо тотороҡло булмаясаҡ. Төрлө көсөргәнештә епшек ҡар яуыуы, боҙлауыҡ булыуы көтөлә. Ел секундына 15-20 метрға тиклем көсәйәсәк. Сымдарға һәм ағастарға епшек ҡар йәбешеүе ихтимал. Синоптиктар температураның түбәнәйеүен һәм ҡар япмаһы ҡаплауын күҙаллай.
19 ноябрҙә яуым-төшөм яуыуы кәмейәсәк, һауа температураһы түбәнәйәсәк.
Ҡатмарлы һауа шарттары электр тапшырыу линияларының өҙөлөүенә, насар нығытылған конструкцияларҙың йығылыуына, юл-транспорт һәләкәттәренең артыуына килтереүе ихтимал. Башгидромет автомобилдә йөрөүселәрҙе сиктән тыш һаҡ булырға саҡыра һәм насар күренеүсәнлек һәм боҙлауыҡ шарттарында алыҫ юлға сығыуҙан тыйылып торорға кәңәш итә.
Автор:Эльвира Латипова