Михаил Бабич: «Кроношпан» тирәләй ажиотаж нигеҙһеҙ»

"Башинформ"

Рәсәй Президентының Контроль идаралығы һәм РФ Президентының Волга буйы федераль округындағы Тулы хоҡуҡлы вәкиллеге Өфө эргәһендә «Кроношпан» заводы төҙөлөшөнөң нигеҙлелеген тикшерҙе. Ревизорҙарҙың килеүе бер нисә ай инде завод төҙөүгә ҡаршылыҡ күрһәткән граждандарҙың күп һанлы мөрәжәғәттәренә бәйләнгән. Президенттың Тулы хоҡуҡлы вәкиле аппаратына хәлде контролгә алырға ҡушылған. Эштәрҙең нисек барыуы тураһында «ФедералМатбуғат.Волга буйы» хәбәрсеһе Михаил Бабич һөйләне.

«Тикшереүҙәр Президенттың Контроль идаралығы һәм Тулы хоҡуҡлы вәкил аппараты тарафынан алып барылды. Тикшереү башланғанға тиклем был юҫыҡта бөтә идаралыҡ мәсьәләләре хәл ителгәйне, республикаға мин шәхсән үҙем килдем, завод төҙөлөшөнә әҙерлек процесының нисек ойошторолоуын ҡараным, тейешле етәкселәрҙең докладтарын тыңланым. Беҙ граждандарҙың инициативалы төркөмө тарафынан күтәрелгән дәғүәләрҙе ҡараныҡ. Был дәғүәләр башлыса нигеҙле тип танылғайны. Тикшереүҙәр башланғанға тиклем объектты төҙөү буйынса бөтә эштәр туҡтатылғайны.

Тикшереү үткәреп һәм уның һөҙөмтәләре тураһында Рәсәй Федерацияһы Президентына хәбәр иткәндән һуң, беҙ тейешле бойороҡ алдыҡ һәм хәҙер уны үтәйбеҙ. Ул, техник-иҡтисади дәлилләнгән проекттан, проектҡа дәүләт эскпертизаһынан һәм экологик экспертизаларҙан башлап махсус документтар әҙерләүҙе талап итә. Бөтә күрһәтелгән саралар комплексын үтәгәндән һуң ғына эштәр башланыуы тураһында ҡарар ҡабул ителеүе ихтимал.

Минең бойороҡ менән махсус эшсе төркөм ойошторолдо, уға аппарат хеҙмәткәрҙәре, Башҡортостан Республикаһы Хөкүмәтенең хоҡуҡ һаҡлау һәм контроль-күҙәтеү органдары вәкилдәре инде. Был төркөм Дәүләт башлығы йөкләмәләрен үтәү буйынса бөтә мәсьәләләрҙе тулыһынса контролдә тотасаҡ.

Бөгөн «Кроношпан» төҙөлөшө тирәләй айырым сәйәсмәндәр тарафынан ҡоролған ажиотаж бөтөнләй нигеҙһеҙ. Бөтә ҡарарҙар ҡабул ителгән, улар мотлаҡ үтәләсәк.

Булмаған проблеманы ҙурайтыу һәм республика власының эшен юҡҡа сығарырға маташыуҙар, ошоноң менән милли республиканың социаль-иҡтисади үҫеше буйынса эштәрҙең күренеп торған ыңғай һөҙөмтәләрен шик аҫтына ҡуйыу, ысынлап та кире эҙемтәләргә килтереүе ихтимал. Быға юл ҡуймаҫҡа кәрәк. Әгәр кешеләргә ярҙам итеү теләге бар икән, бының өсөн кәм тигәндә, республикаға килеп һәм урында ысынбарлыҡта нимәләр булыуын билдәләргә кәрәк. Ә әгәр кеше ихтыяждарын иҫәпкә алмай, «яңғырауыҡлы» белдереүҙәр яһап, осһоҙ сәйәси дивидендтар алыу теләге генә булһа, был яуапһыҙлыҡ һәм бик хәүефле».

#михаил бабич #кроношпан

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.