Кесе йома, 16 Апрель 2026

Өфө

+11 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

13:10 (UTC+5), 08 Ноябрь 2013

Рөстәм Хәмитов: “Минең өсөн ауыл хужалығы – төп өҫтөнлөк”

Галина Бахшиева

Башҡортостан Президенты Рөстәм Хәмитов 8 ноябрҙә республика агросәнәғәт комплексының иң яҡшы вәкилдәренә дәүләт наградалары тапшырҙы.

— Бөгөн беҙ агросәнәғәт өлкәһендә тырышып эшләүселәрҙе хөрмәтләйбеҙ. Беҙҙең ауыл хужалығы Рәсәйҙә алдынғыларҙың береһе булып тора, — тип билдәләне Рөстәм Хәмитов ауыл хужалығының һәм эшкәртеү сәнәғәтенең 40 алдынғы хеҙмәткәрен наградлау тантанаһында. — Беҙ был алдынғы позицияларҙы һаҡлау өсөн күп эшләйбеҙ. Кешеләргә был ҡатмарлы һәм бик яуаплы тармаҡта яңы башланғыстарҙы тормошҡа ашырырға ярҙам итергә тырышабыҙ.

Башҡортостан Президенты билдәләүенсә, «проекттар һәм пландарыбыҙ беҙҙең бик ҙур» һәм «мин һәр ваҡыт, минең өсөн ауыл хужалығы — төп өҫтөнлөк, тип әйттем һәм әйтәсәкмен».

Һуңғы ике-өс йылда республикала агросәнәғәт производствоһында мегапроекттарҙы тормошҡа ашырыу башланды. Планда — эшмәкәрлектең был төрөн арттырыу, шул уҡ ваҡытта урта кимәлдәге производстволар тураһында ла оноторға ярамай.

— Фермерҙарға ярҙам итергә кәрәк. Шәхси ярҙамсы хужалыҡтар барыһын да борсоған тема булып ҡала. Бер яҡтан, бындай хужалыҡтарҙа бик күп кеше мәшғүл, икенсе яҡтан — беҙ кешеләрҙе техника, машиналар, механизмдар һәм заманса технологиялар менән тәьмин итеү яғынан бында бер нисек тә новациялар индерә алмайбыҙ, — тине Рөстәм Хәмитов.

Алдынғы аграрийҙар иҫәбендә — Бәләбәй районының «Сулпан» яуаплылығы сикләнгән йәмғиәте директоры Урал Нәбиуллин, «Башҡортостан Республикаһында фиҙакәр хеҙмәте өсөн» билдәһенә лайыҡ булды.

— Мин тәүге тапҡыр шундай награда алам һәм быға үтә шатмын, — тип һөйләне «Башинформ» агентлығы хәбәрсеһенә Урал Нәбиуллин, уның ауыл хужалығында эшләү тәжрибәһенә 20 йылдан ашыу. — Бөгөнгө награда — һис шикһеҙ, беҙҙең бөтә коллективтың тырышлыҡ һөҙөмтәһе.

Урал Нәбиуллин әйтеүенсә, ул ете йыл етәкләгән ауыл хужалығы предприятиеһы игенселек һәм һыйыр малы аҫырау менән шөғөлләнә. Хужалыҡта 300 һыйыр, 50 баш ат һәи 2,5 мең гектар сәсеү майҙаны иҫәпләнә.

— Беҙ киләсәккә ышанып йәшәйбеҙ. Ауыл хужалығы йылын предприятие яҡшы һөҙөмтәләр менән тамамланы. Уңыш, орлоҡтар, аҙыҡ-түлек игене бар, һөт тә етерлек кимәлдә, — тип һөйләне ауыл хужалығы предприятиеһы етәксеһе.

1 из 16

#бр президенты #ауыл хужалығы #наградалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.