Башҡортостан һәм Великобритания биотехнология өлкәһендә бергә хеҙмәттәшлек итергә планлаштыра

Эльвира Латипова

Шаршамбы Өфөлә үткән Рәсәй-Британия түңәрәк өҫтәлендә ҡатнашыусылар биотехнология өлкәһендә перспективалы хеҙмәттәшлек йүнәлештәрен билдәләне.

БР Хөкүмәте Премьер-министры урынбаҫары Дмитрий Шаронов фекеренсә, биотехнологиялар өлкәһендә ике яҡлы мөнәсәбәттәр «түбән кимәлдә тора», әммә улар ҙур перспективаға эйә.

Великобританияның Екатеринбург ҡалаһындағы Генераль консулы Нил Сэмпл ике яҡтың да ихтыяжын сағылдырыусы бер нисә йүнәлеште билдәләне. Улар иҫәбендә – фармацевтика препараттары етештереү, синтетик биология, регенератив медицина. Атап әйткәндә, Генераль консул һүҙҙәре буйынса, Великобританияла синтетик биология өлкәһендә ғилми эштәр әүҙем алып барыла – хөкүмәт тикшеренеүҙәрҙе 20 миллиард фунт стерлинг күләмендә финансларға әҙер.

Башҡортостан ғалимдары ҡунаҡтарҙы биотехнология өлкәһендәге эштәрҙең төп йүнәлештәре менән таныштырҙы. Рәсәй Фәндәр Академияһы Өфө ғилми үҙәгенең Биохимия һәм генетика институтының геномика бүлеге һәм кешенең молекуляр генетикаһы лабораторияһы мөдире Эльза Хөснөтдинова әйтеүенсә, республиканың ғилми институттары нәҫелдән килгән һәм күп факторлы ауырыуҙарҙы молекуляр-генетик тикшереү үткәрә.

Рәсәй Фәндәр Академияһы Өфө Ғилми Үҙәгенең Биохимия һәм генетика институты директоры Венер Вәхитов һүҙҙәренсә, Башҡортостан ғалимдары ауыр металдарҙы туплай алырлыҡ трансгенлы (генһыҙ) үҫемлектәр булдырыу өҫтөндә эшләй. Тикшеренеү эштәренең мөһим йүнәлештәре араһында ул Башҡортостан өсөн хәүефле инфекцияларҙы, мәҫәлән, бөйөр синдромы менән геморрагик биҙгәкте, диагностикалау һәм иҫкәртеү системалары булдырыуҙы билдәләне.

Түңәрәк өҫтәлдә ҡатнашыусылар күп йүнәлештәр буйынса республика ғалимдарының Германия, Франция һәм Америка Ҡушма Штаттарының ғилми даирәләре менән уңышлы хеҙмәттәшлек итеүен билдәләне. Башҡортостан менән Германия араһында һөҙөмтәле ғилми бәйләнештәрҙе юлға һалыу тураһында ҡарар ҡабул ителде.

1 из 8

#фән #тышҡы бәйләнеш #биотехнология

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.