Башҡортостан мөфтөйө вазифаһына кандидаттар раҫланды

Арина Рәхимҡолова

Өфө районының Алексеевка ҡасабаһында Башҡортостан Республикаһы мосолмандары Диниә назаратының киңәйтелгән пленумы үтте. Көн тәртибендәге төп мәсьәләләрҙең береһе булып Башҡортостан мөфтөйө вазифаһына кандидаттар раҫлау торҙо. Шулай уҡ дини лидерҙар БР мосолмандары Диниә назаратының VII съезына әҙерлек тураһында һөйләне, тип хәбәр итә «Рисәләт-Мөрәжәғәт» республика дини порталы.

Пленумға йыйылыусылар алдында сығыш яһап, БР Президенты ҡарамағындағы Дәүләт-конфессия-ара мөнәсәбәттәр буйынса совет рәйесе Вячеслав Пятков ил Президенты Владимир Путиндың Башҡортостан Республикаһында милләт-ара һәм конфессия-ара хәлде ыңғай баһалауын телгә алды. Шулай уҡ, Вячеслав Пятков йыйылышта ҡатнашыусыларға Өфөлә 26 ноябрҙә үтәсәк сираттағы пленумға уңышлы әҙерләнеүҙәрен теләне.

Фекер алышыуҙар һөҙөмтәһендә пленумда ҡатнашыусылар Башҡортостан мөфтөйө вазифаһына ике кандидатураны раҫланы: хәҙерге БР мосолмандар Диниә назараты рәйесе Нурмөхәмәт Ниғмәтуллин һәм Баймаҡ районы имам-мөхтәсибе Баймөхәмәт Ғизәтуллин.

Һайлауҙа ҡатнашырға тәҡдим ителгән БР мосолмандар Диниә назараты рәйесе урынбаҫары Әйүп Бибарсов менән Диниә назараты ҡарамағындағы йәштәр бүлеге етәксеһе Айнур Арыҫланов үҙ кандидатураларын кире алды.

Пленум БР мосолмандар Диниә назаратының әүҙем эшмәкәрҙәренә дини өлкәлә оҙаҡ һәм намыҫлы эшләгәндәре өсөн рәхмәт хаттары тапшырыу менән тамамланды.

#дин #ислам #бр мосолмандар диниә назараты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.