Өфөлә «Электрон китапхана»ны презентацияланылар

Алик Шакиров

«Башинформ» Мәғлүмәт агентлығы хәбәр итеүенсә, Әхмәтзәки Вәлиди исемендәге Милли китапханала электрон китап һаҡлағыс барлыҡҡа килде. «Электрон китапхана»ны презентациялау сараһында БР Мәҙәниәт министрының беренсе урынбаҫары Валентина Латипова сығыш яһап, республиканың бөтә китапханалары һәм уҡыусылары өсөн был көн бик тә әһәмиәтле, тип билдәне. Министр урынбаҫары республика Президенты Рөстәм Хәмитовҡа ошо проектты тормошҡа ашырыуға ярҙам иткәне өсөн рәхмәт әйтеп, Башҡортостанда йәшәүсе һәр бер кеше был мәҙәни ҡаҙаныш менән ҡуллана аласағына ышаныс белдерҙе.

Презентациялау алдынан килгән ҡунаҡтарға капиталь ремонттан һуң Милли китапхана бинаһына ингән урынды, «Асыҡ мөхит» программаһы сиктәрендә һатып алынған яңы ҡорамалдарҙы күрһәттеләр. Башҡорт әҙәбиәте һәм крайҙы өйрәнеү бүлегендә сараға йыйылыусыларҙы документтарҙың штрих-кодтары нигеҙендә автоматлаштырылған китап биреү системаһы, шулай уҡ яңы ғына ҡуйылған вәхиштәргә ҡаршы ҡапҡалар менән таныштырҙылар.

«Электрон китапхана» презентацияһы универсаль уҡыу залында үтте. Китапхана директоры Айгөл Моратова сараға йыйылыусыларҙы электрон һаҡлағыстың эш үҙенсәлектәре һәм принциптары менән таныштырҙы. «Полифорт» һәм «Xerox» компаниялары вәкилдәре электрон китапхана проектын бойомға ашырыу этаптары тураһында ентекле һөйләп, ҡыҙыҡһындырған һорауҙарға яуап бирҙе. Атап әйткәндә, проект дүрт этапта тормошҡа ашырыла һәм хәҙерге ваҡытта ресурстың селтәр һаҡлағыстарына элекке йылдарҙа сканер аша күсереп баҫылған эштәрҙән 132 баҫма, алты аудио һәм бер видеоматериал ҡуйылған. Киләсәктә бүлектәр, әлегә улар һигеҙ, яңы материалдар менән тулыландырыласаҡ.

Проект «Китапхана эшен үҫтереү» маҡсатлы программаһына ярашлы тормошҡа ашырыла. Быйыл милли электрон китапхананы булдырыуға республика бюджетынан 7 миллион 800 мең һум аҡса бүленгән, тип хәбәр итә «Башҡортостандың мәҙәни донъяһы» порталы.

Проектҡа http://ebook.bashnl.ru/dsweb/HomePage электрон адресы буйынса инергә мөмкин.

1 из 6

#бр милли китапханаһы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.