Рәсәй армия авиацияһына – 65 йыл

Арина Рәхимҡолова

Рәсәй армия авиацияһын булдырыу көнө тип 1948 йылдың 28 октябре иҫәпләнә, Мәскәү эргәһендәге Серпуховала вертолеттар менән йыһазландырылған беренсе авиация эскадрильяһы ойошторола. Ул айырым ғәскәр төрө булараҡ армия авиацияһына башланғыс һала.

Вертолет авиацияһы тәүҙә ярҙамсы ғына була һәм уның бурысына йөк ташыу, утты корректировкалау, разведка, элемтә инә. Артабан, техник эволюция барышында, вертолеттар ҡеүәтле ҡоралға әйләнә. XX быуаттың 70-се йылдарында яу яланында ҡоро ер ғәскәрҙәренә ярҙам итеүсе Ми-24 ҡоралландырыуға ҡабул ителгәс, ярҙамсы авиация армия авиацияһы булып китә.

Ярты быуаттан ашыу тарих эсендә армия авиацияһының ҡанатлы машина экипаждары Рәсәйҙәге һәм унан ситтәге бөтә «ҡайнар нөктәләрҙә» була. Бөгөн улар Төньяҡ Кавказда хәрби бурыстарын үтәп, юғары батырлыҡ өлгөләре күрһәтә. Бөйөк Ватан һуғышы йылдарында күмәк ҡаһарманлыҡ тигән төшөнсә була торғайны. Бөгөн дә армия авиацияһы частарында ҡыҙыу нөктәләрҙә ул көн һайын тиерлек ҡабатлана.

Тыныс шарттарҙа армия авиацияһы ҡоро ер ғәскәрҙәренең хәрби әҙерлеге сараларын тәьмин итә. Бер хәрби күнекмә лә авиацияһыҙ, хәрби һәм транспорт вертолеттары ҡатнашлығынан тыш үтмәй.

Һуңғы тиҫтә йылдарҙа армия авиацияһы бер нисә тапҡыр Хәрби һауа көстәренән Ҡоро ер ғәскәрҙәренә һәм киренән күсә. 1990 йылда армия авиацияһы үҙ аллы ғәскәр төрө булды, ә 2003 йылдың ғинуарында Хәрби һауа Көстәре ҡарамағына тапшырылды.

Бөгөн сафта булғандарҙың антҡа тоғролоғо, ҡыйыулығы, юғары профессионализмы – илдең тыныс тормош гарантияһы. Хәрби авиация профессионалдарының таһыллығы, туғандарса татыулығы, ҡаһарманлығы эскерһеҙ хөрмәт уята.

Рәсәй армия авиацияһын нығытыуға Башҡортостан тос өлөш индерә. Күмертауҙа Ка-28, Ка-29, Ка-31, Ка-226 модель вертолеттары етештерелә. Конструкторҙар осоу техникаһының яңы өлгөләрен дә уйлап сығара.

#ҡораллы көстәр һәм йәмғиәт

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.