Бөгөн – Халыҡ-ара стандартлаштырыу көнө

Арина Рәхимҡолова

Бөгөн, 14 октябрҙә, Халыҡ-ара стандартлаштырыу көнө билдәләнә. Был көндө 1946 йылда Лондонда стандартлаштырыу буйынса милли ойошмаларҙың конференцияһы асыла. СССР менән бергә 25 илдән 65 делегат йыйыла. Уларҙың эш һөҙөмтәһендә Халыҡ-ара стандартлаштырыу буйынса ойошма – International Organization for Standardization (ISO) төҙөү тураһында ҡарар ҡабул ителә.

Был һөнәри байрам предприятиеларҙы стандартлаштырыу хеҙмәте белгестәренең, үҙенең эш урынында сифат, һынау, сифат менеджменты кеүек мәсьәләләрҙе хәл итеүсе һәр кемдең байрамы.

Бөтә цивилизациялы донъяла стандартлаштырыуҙы үҫеш нөктәһе, сауҙаның мөһим факторы һәм ҡулланыусылар мәнфәғәттәрен яҡлау ҡоралы тип иҫәпләйҙәр.

Әлеге ваҡытта етештереүселәрҙең яуаплылығы арта бара. Халыҡ-ара һәм милли стандарттар продукцияның сифатлы һәм хәүефһеҙ булыуын иҫбатлаусы нигеҙ булып тора. Стандарттар бизнес мәнфәғәтендә булдырыла. Сифатлы продукт сығарыуҙың башҡа ҡоралы юҡ. Яңы стандарттарҙа бөтә инновациялар сағылыш таба, сит илдәрҙең алдынғы тәжрибәләре ҡулланыла. Шуның өсөн Рәсәйҙең милли стандарттары халыҡ-ара стандарттарға эҙмә-эҙлекле тап килтерелә.

Беҙҙең республикабыҙҙа ярты быуаттан ашыу стандартлаштырыу, уны норматив тәьмин итеү мәсьәләләрен дәүләт төбәк Стандартлаштырыу, метрология һәм һынауҙар үҙәге — «Башҡортостан Республикаһында Стандартлаштырыу, метрология һәм һынауҙар үҙәге» федераль дәүләт учреждениеһы хәл итә.

«Башҡортостан Республикаһында Стандартлаштырыу, метрология һәм һынауҙар үҙәге» федераль дәүләт учреждениеһы — республика территорияһында РФ ҡанундарына ярашлы техник көйләү, стандартлаштырыу һәм метрология өлкәһендә дәүләт сәйәсәтен алып барыусы ойошма. Үҙәк белгестәре предприятиеларҙың һәм дөйөм республиканың иҡтисади үҫешенә булышлыҡ итеүҙе үҙенең төп бурысы тип иҫәпләй.

#һөнәри байрамдар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.