Башҡортостанда милли тикшеренеү университеты булдырыу мөмкинлеге тикшерелде

Эльмира Сабирова

Башҡортостанда Милли тикшеренеү университеты ойоштороу һәм юғары уҡыу йорттарын Өфөлә үтәсәк ШОС һәм БРИКС саммиттарына әҙерләү мәсьәләләре республика Президенты Рөстәм Хәмитовтың Рәсәй Федерацияһының мәғариф һәм фән министры урынбаҫары Александр Климов менән осрашыуының төп темаһы булып торҙо.

Бөгөн Башҡорт дәүләт университеты, Өфө дәүләт нефть техник университеты һәм Өфө дәүләт авиация техник университеты «Милли тикшеренеү университеты» статусы алыуға конкурс һайлап алыуында ҡатнашыу өсөн программалар әҙерләне.

— Беҙҙең өсөн республикала милли тикшеренеү университеты булдырыу үтә мөһим. Башҡортостан Республикаһында шундай ҡеүәтле юғары уҡыу йорттары була тороп, беҙҙе урап үтеүҙәрен ғәҙелһеҙлек тип һанайым, — тип һыҙыҡ өҫтөнә алды Рөстәм Хәмитов.

Александр Климов әйтеүенсә, федераль университеттар ойоштороу буйынса проектҡа киләһе йыл йомғаҡ яһаласаҡ. Әммә министр урынбаҫары раҫлауынса, программа бының менән генә тамамланмай.

— Был университеттар үҙҙәре эшкәрткән программаларҙы тормошҡа ашыра башлауға һәм үҙҙәренә алған йөкләмәләрҙе үтәүгә биш йыл ваҡыт ҡаралған. Мин әлегә ашыҡмаҫ инем, ә бер йыл көтөр инем, — тине Александр Климов.

Осрашыу барышында ҡуҙғатылған тағы бер мәсьәлә — республика юғары уҡыу йорттарын Шанхай хеҙмәттәшлек ойошмаһы (ШОС) ағзаһы булып торған дәүләттәр башлыҡтары Советы ултырыштарына һәм БРИКС дәүләттәре һәм хөкүмәттәре осрашыуына әҙерләү.

Александр Климов шулай уҡ бер нисә юғары уҡыу йортона барҙы, унда «Рәсәй Федерацияһында хәҙерге ваҡытта белем биреү хоҡуғы реформаһы: стратегия һәм системалылыҡ» темаһына семинар-кәңәшмәлә ҡатнашты.

#бр президенты #осрашыуҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.