Рәсәй мосолмандары Үҙәк диниә назараты юбилейына Өфөгә 30 ил вәкилдәре киләсәк

Арина Рәхимҡолова

Өфөлә Ырымбур Мосолмандар диниә йыйылышы – Рәсәй мосолмандары Үҙәк диниә назаратының 225 йыллығына, шулай уҡ Юғары мөфтөй, Рәсәй мосолмандары Үҙәк диниә назараты рәйесе Тәлғәт Тажетдинға 65 йәш тулыуға арналған матбуғат конференцияһы уҙҙы. Икеләтә байрам тантанаһы Өфөлә 21 октярбҙән 23-өнә тиклем үтәсәк. Юбилей сараларында 500-ҙән ашыу кеше ҡатнашасаҡ. Байрамға 30 ил вәкиле киләсәк.

Юғары мөфтөй журналистар менән аралашып ислам тарихы һәм илдә мосолмандар Үҙәк диниә назаратын ойоштороу этаптары тураһында һөйләне. 1789 йылдың 4 декабрендә Император Екатерина II Указына ярашлы Өфө дини мосолмандар ҡануны йыйылышы барлыҡҡа килеп, 1846 йылда Ырымбур мосолман диниә йыйылышы тип үҙгәртелә, ә 1917 йылдан «Эске Рәсәй һәм Себер мосолмандарының Үҙәк диниә назараты» тип йөрөтөлә. Һуңынан тағы ла бер нисә тапҡыр исеме үҙгәртелгәндән һуң, 2000 йылда «Рәсәй мосолмандары Үҙәк диниә назараты» тип нығына. 1980 йылдан алып Идаралыҡты Юғары мөфтөй Тәлғәт Тажетдин етәкләй. Уның етәкселегендә Рәсәй мосолмандары Үҙәк диниә назараты Рәсәй йәмғиәтен дини-әхләҡи тергеҙеү эшендә илдең алдынғы дини үҙәктәренең береһенә әүрелә.

Был байрамдар дөйөм дәүләт күләмендә уҙғарыласаҡ, тип һыҙыҡ өҫтөнә алды Тәлғәт Тажетдин. Юбилейға ғәрәп илдәренән күренекле мосолман эшмәкәрҙәре һәм Рәсәй дини идаралыҡтары вәкилдәре, сит ил дини уҡыу йорттары вәкилдәре саҡырылған. Сараны үткәреүгә БР Президенты ҡарамағындағы Дәүләт конфессия-ара мөнәсәбәттәр буйынса совет ҙур ярҙам күрһәтә, тине мөфтөй.

-Ил етәкселеге байрамды үткәреүгә ҙур булышлыҡ күрһәтә – был тағы ла бер тапҡыр, дәүләттең дини ойошмалар менән эшлекле диалог ҡороуы хаҡында һөйләй, - тине БР Президенты ҡарамағындағы Дәүләт конфессия-ара мөнәсәбәттәр буйынса совет рәйесе Вячеслав Пятков.

Тәлғәт Тажетдин һөйләүе буйынса, юбилейға ҡарата Өфө ҡалаһының Дим районында мәсет асыласаҡ, төҙөлөш эштәре әле тамамланып килә. Шулай уҡ байрам сиктәрендә «Рәсәйҙә дәүләт һәм ислам» Халыҡ-ара ғилми-ғәмәли конференцияһы уҙасаҡ.

#дин #ислам #юбилейҙар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.