Силәбе өлкәһендә башҡорт спортсыһы Вил Абдуллин тураһында китап сыҡҡан

Арина Рәхимҡолова

Силәбе өлкәһенең башҡорт ауылы Ҡоншаҡта «Спорт өсөн тыуған кеше» китабының презентацияһы үтте. Китап башҡорт спортсыһы, районда беренсе саңғы ярышы буйынса СССР спорт мастеры, тренер, педагог Вил Абдуллиндың тыуыуына 80 йыл тулыуға ҡарата яҙылған. Ул районды төрлө спорт олимпиадаларында лайыҡлы танытҡан йөҙҙән ашыу талантлы спортсылар тәрбиәләгән.

Тренерҙың улы Фуат Абдуллин китаптың дәртләндереүсеһе һәм инициаторы булып тора. Биографик баҫманың авторы һәм мөхәррире Лилиә Девальд.

Презентацияға төрлө йылдарҙағы спорт ветерандары, тренерҙар, спортсылар, райондың башҡорттар Ҡоролтайы активистары һәм Вил Абдуллиндың дуҫтары йыйылғайны. Вил Вәғиз улының коллегалары уның спортҡа тоғро булыуы, педагог талантына эйә булыуы хаҡында йылы хәтирәләре менән уртаҡлаштылар.

Район етәкселеге исеменән район башлығының социаль мәсьәләр буйынса урынбаҫары Гөлбаныу Йәнтурина тәбрикләү һүҙе менән сығыш яһаны. Абдуллиндар ғаиләһе архивынан күп кенә фотолар күрһәттеләр. Район мәҙәниәт йорто Ижад йорто менән берлектә үҙешмәкәр концерт номерҙары менән сығыш яһаны, тип хәбәр итә Силәбе өлкәһендә Башҡортостан Республикаһы даими вәкиллегенең матбуғат сәркәтибе Михаил Хәбиров.

#төбәктәрҙә башҡорттар #спорт

Присоединяйтесь — больше и быстрее в наших соцсетях:

Рубрики

Эл. почта

inf@bashinform.ru

Адрес

450077, Уфа, Кирова, 45

Рекламная служба

(347) 250-11-11

Редакция

(347) 250-07-28

Приемная

(347) 250-05-07

Сотрудничество

(347) 250-06-14

Отдел кадров

ok@bashinform.ru

© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».