Йома, 17 Апрель 2026

Өфө

0 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

12:48 (UTC+5), 17 Сентябрь 2013

Ғафури районында Хәтер көнө үтте

Арина Рәхимҡолова

Ғафури районының Красноусол ауылында тантаналы митинг үтте. Һәләк булған Ватанды һаҡлаусылар һәйкәле янында Афғанстанда, Төньяҡ Кавказда хәрби хәрәкәттәрҙә ҡатнашҡан яугирҙар, ауыл халҡы, һәләк булған егеттәрҙең туғандары һәм яҡындары йыйылды.

Сараны асып, район хакимиәте башлығы Рәмил Бухаров локаль конфликттарҙа һәләк булған егеттәрҙең мәңге хәтерҙә йәшәйәсәген һыҙыҡ өҫтөнә алды.

Ғафури һәм Ауырғазы райондарының хәрби комиссары Фәйрүз Ғимәҙиев һәйкәл төҙөүҙә ҙур ярҙам күрһәткән активистарҙы билдәләне.

— Марс Хәйруллин, Ринат Яҡупов, Әлфир Исхаҡов, Вячеслав Лоскутов, Андрей Мигунов, Джамшид Ҡасимов, Марат Ишбаев һәм башҡа егеттәргә ҙур рәхмәтемде еткерәм. Уларҙың ярҙамы менән һәләк булған Ватанды һаҡлаусыларға һәйкәл төҙөлдө, - тине хәрби комиссар.

Рәхмәт һүҙҙәре менән шулай уҡ Ғафури районының Ветерандар советы вәкилдәре, ауыл биләмәһе башлығы Марс Әбелғужин, райондың Афған һуғышы ветерандары союзы рәйесе Марс Хәйруллин сығыш яһаны. Сарала ҡатнашыусыларҙы Хәтер көнө менән Өфөнән килгән ҡунаҡ – БР Хәрби хәрәкәттәр ветерандары союзы рәйесе Тимерйән Рәжәпов та ҡотланы.

Тантаналы өлөштән һуң урындағы мәҙәниәт һәм ял паркында Ғафури һәм Ауырғазы райондарының ветерандар командалары араһында футбол буйынса матч ойошторолдо. Байрамды концерт номерҙары дауам итте.

Осрашыу һуңында Тимерйән Рәжәпов БР Хәрби хәрәкәттәр ветерандары союзының Бөрйән һәм Күгәрсен райондарына инициатива менән сығыш яһауы тураһында хәбәр итте. Ул әлеге ике районда Афғанстанда һәм Төньяҡ Кавказда һәләк булған яугирҙарға һәйкәл асыу һәм төҙөлөш эштәре өсөн средстволарҙы Хәтер көндәрендә һәм шуға оҡшаш башҡа сараларҙа йыйыу тәҡдиме менән сығыш яһаған. Сарала һанаулы минуттар эсендә 10 мең һум аҡса йыйылды.

1 из 14

#ҡораллы көстәр һәм йәмғиәт #ветерандар #хәтер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.