Суббота, 16 Мая 2026

Уфа

+28 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:00 (UTC+5), 06 Сентября 2013

Рөстәм Хәмитов Рәсәй Федерацияһы һәм Башҡортостан Республикаһының дәүләт наградаларын тапшырҙы

Эльмира Сабирова

Башҡортостан Президенты Рөстәм Хәмитов йома, 6 сентябрҙә, Рәсәй Федерацияһы һәм Башҡортостан Республикаһының дәүләт наградаларын тапшырҙы. Миҙал, орден һәм атҡаҙанған хеҙмәткәрҙәр исемдәренә уҡытыусылар, табиптар, ғалимдар, журналистар, производствола эшләүселәр, дәүләт һәм муниципаль хеҙмәткәрҙәр лайыҡ булды.

Тантаналы сараны асып, Рөстәм Хәмитов наградланыусыларға ил һәм республика үҫешенә тос өлөш индергәндәре өсөн рәхмәт әйтте.

— Был наградаларҙы тапшырыу минең өсөн оло ҡыуаныс. Улар оҙаҡ йылдар дауам иткән ауыр һәм яуаплы хеҙмәт менән яуланған. Һеҙ беҙҙең йәштәребеҙ, тотош йәмғиәтебеҙ өсөн өлгө булып тораһығыҙ, - тип билдәләне Президент. – Һеҙгә һаулыҡ, уңыштар теләйем, йәмғиәттә ыңғай мөхит булдырыуға йүнәлтелгән эшмәкәрлеккә ынтылышығыҙ бер ҙә һүрелмәһен.

Рөстәм Хәмитов хәҙерге замандың ауыр булыуын билдәләне. Иҡтисади үҫеш темптары кәмене, был донъя кимәлендә барған тенденцияларға бәйле. Рәсәй, Башҡортостан предприятиелары продукцияһы һорау менән файҙаланмай. Әммә тәбиғәттә һәр ваҡыт цикллылыҡ була, һәм бер аҙ туҡтап торғандан һуң артабанғы үҫеш осоро күҙәтелә, тип иҫәпләй Президент.

Залда ултырыусыларға мөрәжәғәт итеп, республика етәксеһе уларҙы әүҙем эшмәкәрлек алып барыуҙы, иҡтисад өлкәһендәге кире күренештәр менән көрәште дауам итергә һәм бындай эшмәкәрлеккә башҡа кешеләрҙе лә йәлеп итергә саҡырҙы.

Шулай итеп, Почет орденына «Өфө моторҙар эшләү производство берекмәһе» асыҡ акционерҙар йәмғиәтенең идарасы директоры Александр Артюхов лайыҡ булды.

БР Фәндәр академияһының медицина фәндәре бүлеге академик-секретары Вил Тимербулатовҡа - Дуҫлыҡ ордены, БР Фәндәр академияһының Өфө күҙ ауырыуҙары ғилми-тикшеренеү институты директоры Мөхәррәм Бикбовҡа - «Рәсәй Федерацияһының атҡаҙанған табибы» исеме, Өфөнөң 31-се урта дөйөм белем биреү мәктәбе уҡытыусыһы Алла Павловаға «Рәсәй Федерацияһының атҡаҙанған уҡытыусыһы» исеме бирелде.

Бөрйән районы Иҫке Собханғол ауылының 132-се һөнәри училищеһы уҡыусыһы Юрий Михайловҡа һәм М.Аҡмулла исемендәге Башҡорт дәүләт педагогия университеты студенты Александр Федуловҡа Рөстәм Хәмитов «Һәләкәткә осрағандарҙы ҡотҡарған өсөн» миҙалдарын тапшырҙы.

Бөгөн йәмғеһе 46 кешегә наградалар тапшырылды.

1 из 20

#бр президенты #наградлауҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.