Воскресенье, 31 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

06:35 (UTC+5), 03 Сентября 2013

Белорет районында яңы мәктәп асылды

Әлим Фәйезов

Көн элгәре Белорет районының Үҙәнбаш ауылында яңы мәктәп асылды. Был шатлыҡлы ваҡиға менән ауыл халҡын Белорет районы хакимиәте башлығы Владислав Миронов, райондың мәғариф идаралығы начальнигы Марина Саранцева, «Геострой» яуаплылығы сикләнгән йәмғиәтенең генераль директоры Рөстәм Хажиев, Шығай ауыл советы башлығы Рәмил Шәрәфетдинов ҡотланы.

Мәктәптең 1971 йылда төҙөлгән элекке бинаһы өс йыл элек авария хәлендә тип танылған. Дәрестәр айырым бер бинала үткәрелгән. Унда ни бары алты бүлмә булған. Республика ярҙамы менән 2011 йылда 108 урынға иҫәпләнгән яңы мәктәп бинаһы төҙөлә башлаған. Был маҡсаттарға республика бюджетынан 125 миллион һум аҡса бүленгән. Эштәрҙе Өфөнөң «Геострой» яуаплылығы сикләнгән йәмғиәте» төҙөлөш ойошмаһы башҡарған.

Ауылда ябай мәктәп түгел, ә тотош социаль үҙәк үҙ ишектәрен асты. Ике ҡатлы бинала, мәктәптән тыш, 30 урынға иҫәпләнгән балалар баҡсаһы, фельдшер-акушерлыҡ пункты урынлашҡан. Яңы бина һәр йәһәттән заманса талаптарға яуап бирә.

2013 йылдың 1 сентябрендә Үҙәнбаш ауылы урта мәктәбенә 106 бала уҡырға барған. Уларҙың 12-һе – беренсе класс уҡыусылары. Балалар баҡсаһына 30 сабый йөрөйсәк.

Яңы уҡыу йылында Белорет районында 35 мәктәпкәсә белем биреү учреждениеһы, 44 дөйөм белем биреү мәктәбе һәм 5 өҫтәмә белем биреү учреждениеһы эшләйәсәк. Мәктәптәргә 11 меңдән ашыу бала уҡырға барған, уларҙың 1124-е – беренсе класс уҡыусылары.

Район хакимиәтенең мәғлүмәт-аналитика бүлегенән хәбәр итеүҙәренсә, быйыл Белорет халҡын йәнә ике мөһим ваҡиға көтә. Белоретта 220 урынға иҫәпләнгән яңы балалар баҡсаһы һәм реконструкциянан һуң 1-се урта мәктәп асыласаҡ. Мәктәптә ике яңы корпус – бассейн һәм башланғыс мәктәп буласаҡ. Төп корпуста тулыһынса яңыртыу эштәре башҡарылған. Ағымдағы йылдың октябрендә – мәктәптең төп корпусын һәм ашхананы, 2014 йылға – бассейнды һәм башланғыс мәктәп бинаһын файҙаланыуға тапшырыу планлаштырыла.

1 из 20

#мәғариф #яңы мәктәп

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.