Мәләүез районы мәктәптәренә һәм балалар баҡсаларына 40 миллион һумдан ашыу аҡса йүнәлтелде

Ғәлиә Нәбиева

Мәләүез районының мәғариф учреждениеларын яңы уҡыу йылына әҙерләү һәм уларҙың матди-техник базаһын нығытыу маҡсатында муниципаль бюджеттан – 18,8 миллиондан ашыу, республика бюджетынан – 16,3 миллион, федераль бюджеттан 6,7 миллион һум аҡса бүленде. Был средстволар мәктәп һәм балалар баҡсалары биналарына капиталь ремонт үткәреүгә йүнәлтелде, тип хәбәр итте район уҡытыусыларының кәңәшмәһендә муниципалитет хакимиәте башлығы Мәлик Вәхитов. Муниципаль район бюджеты сығымдарының яртыһынан ашыуы мәғариф өлкәһенә йүнәлтелә.

Муниципалитеттың мәғлүмәт-аналитика бүлегенән хәбәр итеүҙәренсә, үткән уҡыу йылында райондың балалар баҡсаларында 165 өҫтәмә урын булдырылған, капиталь ремонттан һуң 350 урынға иҫәпләнгән 20-се балалар баҡсаһы эшләй башлаған. Бынан тыш, 160 урынға иҫәпләнгән 25-се балалар баҡсаһын ҡайтарыу мәсьәләһе хәл ителгән, унда капиталь ремонт башланған.

2014 йылда элекке 5-се һәм 13-сө балалар баҡсалары биналарын ҡайтарыу һәм 110 балаға иҫәпләнгән яңы мәктәпкәсә белем биреү учреждениеһын төҙөү мәсьәләләре хәл ителәсәк. Мәғариф системаһында булған нормативтарға ҡарамай, муниципалитет Васильевка, Ҡотош, Петропавловка ауылдарында мәктәптәрҙе һаҡлап ҡалырға, Аптраҡ төп белем биреү мәктәбен тергеҙергә тигән ҡарар ҡабул иткән.

Иң яҡшы педагогтар БР Мәғариф министрлығы, РФ халыҡ мәғарифы һәм фән хеҙмәткәрҙәре профсоюзы, БР Профсоюздар федерацияһы, Мәләүез районы хакимиәтенең Почет грамоталары менән тәбрикләнде. Һигеҙ уҡытыусы «Рәсәй Федерацияһының почетлы дөйөм белем биреү хеҙмәткәре» исеменә лайыҡ булды.

#мәғариф #урындағы үҙидара

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.