Рөстәм Хәмитов Благовар районында булды

«Башинформ»

19 августа Башҡортостан Президенты Рөстәм Хәмитов республиканың Благовар районында «Дмитриевка» сусҡасылыҡ комплексын төҙөү буйынса инвестиция проектының презентацияһында булды, тип хәбәр иттеләр төбәк башлығының матбуғат хеҙмәтенән.

Башҡортостанда йылына 70 мең тонна сусҡа ите етештереү һәм эшкәртеү буйынса биш заманса сусҡасылыҡ комплексы төҙөү буйынса инвестиция проектын «Таврос» идара компанияһы» яуаплылығы сикләнгән йәмғиәте тормошҡа ашыра. Бынан тыш, проект йылына 230 мең тонна продукция етештерәсәк ҡатнаш аҙыҡ цехын, 90 мең тонна иген һалырлыҡ элеваторҙы үҙ эсенә ала. Шулай уҡ йылына 1 миллион баш мал һуйыу һәм ит эшкәртеү буйынса комплекс төҙөү планлаштырыла. Объекттарҙы файҙаланыуға тапшырыу срогы – 2015 йыл. Проекттарҙы тормошҡа ашырыу меңдән ашыу эш урыны булдырырға мөмкинлек бирәсәк. Проекттың дөйөм хаҡы – 12,5 миллиард һум. Әлеге ваҡытта 3,4 миллиард һум аҡса һалынған. Хөкүмәт комиссияһы ҡарары буйынса, проектка дәүләт ярҙамы күләме 2,6 миллиард һум тәшкил итәсәк. БР Хөкүмәтендә субсидия биреү тәртибе тураһында ҡарар әҙерләнә.

Бөгөнгө көндә сусҡасылыҡ комплексының беренсе сираты сафҡа индерелгән. Рөстәм Хәмитов предприятие хеҙмәткәрҙәре менән аралашты – бында 156 кеше эшләй, - һәм сусҡа аҫрау технологиялары менән танышты.

«Республика комплекс төҙөүҙә ярайһы уҡ ҙур ярҙам күрһәтә. Бындай ярҙам артабан да күрһәтеләсәк», – тине Башҡортостан Президенты.

Район үҙәге Языков ауылында Рөстәм Хәмитов Благовар районы халҡы менән аралашты. Осрашыу барышында республика башлығы, райондың күтәрелеш алдында тороуына ышанам, тип билдәләне. «Район ҙур мөмкинлектәргә эйә. Бында ҙур, ҡеүәтле хужалыҡтар бар. Өфөнөң эргәлә булыуы агросәнәғәт өлкәһенең үҫешенә ҙур йоғонто яһай. Благовар районы уңышлы үҫешәсәк, тип ышанам», тине республика етәксеһе. Рөстәм Хәмитовтың был осрашыуҙағы сығышының стенограммаһы төбәк башлығының рәсми сайтында урынлаштырылған.

1 из 12

#бр президентының эш сәфәрҙәре #төҙөлөш #ауыл хужалығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.