Баш ҡалала «Башҡортостан өмөтө-2013» һәләтле балалар форумы үтәсәк

23 майҙа Өфөлә, БР Мәғарифты үҫтереү институтында, «Башҡортостан өмөтө-2013» һәләтле балалар форумы үтә. Уның сиктәрендә Бөтә Рәсәй мәктәп уҡыусылары олимпиадаһы, Мәскәү дәүләт университеты олимпиадаһы, өлкән синыф уҡыусылары өсөн финас баҙары һәм эшҡыуарлыҡ буйынса олимпиада һәм башҡа интеллектуаль ярыштарҙың аҙаҡҡы этаптарында еңеүселәр һәм призерҙар тәбрикләнәсәк. Тантаналы сараға шулай уҡ йәш интеллектуалдарҙың уҡытыусылары саҡырылған.

Сараны ойоштороусылар булып Башҡортостан Республикаһының Мәғариф министрлығы һәм Мәғарифты үҫтереү институты сығыш яһай.

Башлана – 14 сәғәттә.