Суббота, 30 Мая 2026

Уфа

+20 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

12:07 (UTC+5), 21 Мая 2013

Вячеслав Зайцев Өфө модельерҙарына мәктәп формаһын әҙерләүҙә ярҙам итте

Эльмира Сабирова

Билдәле кутюрье Вячеслав Зайцев Өфө трикотаж фабрикаһы менән тәҡдим ителгән мәктәп формаһы моделдәрен әҙерләүҙә ҡатнашты. Хеҙмәттәштәренә ярҙам итеү өсөн модельер «Ағиҙел» Башҡортостан художество промыслаһы» дәүләт унитар предприятиеһына килде.

Вячеслав Зайцев Өфө оҫталарының юғары профессионализмын билдәләне. Трикотаж фабрикаһы коллекцияһын ул тәүге тапҡыр ағымдағы йылдың март айында Вологда ҡалаһында күргәйне. Унда РФ Президенты Владимир Путин еңел сәнәғәт өлкәһендәге хәл буйынса кәңәшмә үткәргәйне. Сара сиктәрендә күргәҙмә ойошторолдо, унда, башҡа предприятиелар менән бер рәттән, Өфө трикотаж фабрикаһы ла үҙ изделиеларын тәҡдим итте. Ул ваҡытта Вячеслав Зайцев тәҡдим ителгән коллекцияларҙың матур булыуын, юғары кимәлдә башҡарылыуын билдәләне һәм фабрика технологиялары, эшләнмәләре менән ҡыҙыҡһыныуы хаҡында әйтте.

«Ағиҙел» Башҡортостан художество промыслаһы» дәүләт унитар предприятиеһының генераль директоры, «Өфө трикотаж фабрикаһы» асыҡ акционерҙар йәмғиәтенең Директорҙар советы рәйесе Зөһрә Исмәғилева һүҙҙәренсә, билдәле кутюрье менән хеҙмәттәшлек итеү шул ваҡытта башланған да инде.

— Яҡшы коллекция килеп сығыр, тип уйлайым. Беҙ бик һөҙөмтәле эшләйбеҙ. 5 апрелдә коллекцияның тәүге өлөшө тәҡдим ителде. Мәктәп формаһын булдырыу буйынса эште июнь айына тамамларға уйлайбыҙ, - тине Зөһрә Исмәғилева.

Берҙәм мәктәп формаһын булдырыу тураһында һүҙ йөрөтөп, Вячеслав Зайцев «форма» һүҙенең уға оҡшап етмәүен белдерҙе.

— Мәктәпкә форма түгел, ә кейем кәрәк, - тип иҫәпләй модельер.

Уның һүҙҙәренсә, кейемдәрҙе береш итеп түгел, ә берҙәм стилдә тегеү зарур.

Зөһрә Исмәғилева билдәләүенсә, бөгөнгө көндә 20-гә яҡын комплект әҙерләнгән. Мотлаҡ комплектҡа өс-дүрт элемент индерелгән. Бер комплекттың уртаса хаҡы - 2,5 мең һум.

1 из 12

#мәктәп формаһы #вячеслав зайцев

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.