Өфөлә инвалид балалар өсөн «Ҡанатлы аттар» республика фестивале үтәсәк

Эльмира Сабирова

Республика иппотерапия үҙәгендә (Аврора урамы, 18) 22-23 майҙа һаулыҡ мөмкинлектәре сикләнгән балалар өсөн «Ҡанатлы аттар» фестивале үтә.

Был уникаль проект БР Мәғариф министрлығы, БР Йәштәр сәйәсәте һәм спорт министрлығы, Башҡортостан физик культура институты ярҙамында Өфөлә дүртенсе тапҡыр ойошторола. Байрам Балаларҙы яҡлау көнөнә ҡарата үткәрелә.

Фестивалдең беренсе көнөндә ат спорты буйынса Махсус Олимпиада программаһы буйынса ярыштар үтәсәк. Ат спортын үҫтереү, инвалид балалар араһында уны популярлаштырыу; үҫмерҙәр араһында сәләмәт йәшәү рәүешен формалаштырыу, уларҙы спортҡа йәлеп итеү; инвалидтарҙы реабилитациялау, йәмғиәткә яраҡлаштырыу буйынса махсуслашҡан ойошмалар эшмәкәрлеген әүҙемләштереү; Башҡортостандың коррекцион мәктәптәре араһында дуҫтарса мөнәсәбәттәрҙе үҫтереү һәм нығытыу сараның төп маҡсаттары булып тора.

Ярыштар 14.00 сәғәттә башлана.

23 майҙа балалар ҡатнашлығында хәйриә байрамы үтәсәк. Программала ярыштарҙа еңеү яулаған команданы тәбрикләү тантанаһы, 59-сы мәктәп-интернат командаһының һәм иппотерапия үҙәге спортсыларының вольтижировка буйынса оҫталыҡ дәресе, «Дарман» театрының сығышы ҡаралған. Ойоштороусылар башҡа бихисап күңелле сығыштар һәм конкурстар вәғәҙә итә. Байрамда ҡатнашыусылар өсөн приздар һәм сувенирҙар ҡаралған.

Инеү – бушлай.

#фестивалдәр #ҡанатлы аттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.