Четверг, 16 Апреля 2026

Уфа

+13 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

08:54 (UTC+5), 16 Мая 2013

Лилиә Ғүмәрова баш табиптарға күсмә медицина комплекстарынан асҡыстар тапшырҙы

Ольга Мортазина

Башҡортостанда 11 дауахана «КАМАЗ» автомобиле базаһында күсмә медицина комплекстары алды. Мобиль поликлиникалар менән хәҙер Республика кардиология диспансеры, Октябрьскийҙың 1-се ҡала дауаханаһы, Стәрлетамаҡтың 1-се клиник дауаханаһы, Нефтекама Үҙәк ҡала дауаханаһы, Белорет Үҙәк район клиник дауаханаһы, Күмертау Үҙәк ҡала дауаханаһы, Бөрө район дауаханаһы, Сибай Үҙәк ҡала дауаханаһы, Мәсәғүт Үҙәк район дауаханаһы тәьмин ителде. Шулай уҡ Дыуан районына һәм Стәрлетамаҡ балалар дауаханаһына «Балалар сәләмәтлеге» үҙәктәре тапшырылды.

Дауалау учреждениелары етәкселәренә күсмә медицина комплекстарынан асҡыстарҙы тантаналы рәүештә БР Хөкүмәте Премьер-министры урынбаҫары Лилиә Ғүмәрова тапшырҙы.

— Бер йылдан ашыу элек Ғ.Ҡыуатов исемендәге Республика клиник дауаханаһы нигеҙендә модуль ярҙам күрһәтеү үҙәген төҙөргә ҡарар ителде. Һәм был мәсьәлә көндән-көн хәл ителә килә. Күсмә медицина комплекстары төпкөл ауылдарҙа йәшәгән халыҡҡа медицина ярҙамы күрһәтеү мөмкинлеген бирә, - тине вице-премьер.

Башҡортостандың һаулыҡ һаҡлау министры Георгий Шебаев билдәләүенсә, республиканың күсмә модулдәр ҡулланыу тәжрибәһе федераль кимәлдә юғары баһа алған. Башҡортостан өлгөһөндә Рәсәйҙең Һаулыҡ һаҡлау министрлығы төпкөлдә йәшәгән халыҡҡа сифатлы медицина ярҙамы күрһәтеү маҡсатында ҡайһы бер субъекттарға шундай уҡ күсмә модулдәр алырға ҡушҡан. «Бындай үҙәктәрҙе һатып алыуға средстволар республикаға яңыртыу программаһын уңышлы тормошҡа ашырғаны өсөн премия булараҡ бүленде. Шуға күрә, мөмкинлектән файҙаланып, был эшкә үҙ өлөшөн индергән кешеләргә рәхмәтемде белдерәм», — тине министр.

БР Һаулыҡ һаҡлау министрлығының матбуғат хеҙмәтенән хәбәр итеүҙәренсә, һуңғы 11 күсмә медицина комплесының дөйөм хаҡы 281,5 миллион һум тәшкил иткән. Бөгөнгө көндә 190 махсус медицина ярҙамы күрһәтеү автомобиле эшләй. 15 майҙа ике ашығыс ярҙам машинаһы Республика балалар клиник дауаханаһына тапшырылды.

1 из 16

#һаулыҡ һаҡлау

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.