Пятница, 1 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:06 (UTC+5), 15 Мая 2013

Лилиә Ғүмәрова: «Өфөләге яңы гемодиализ үҙәге – медицина өлкәһендә уңышлы шәхси-дәүләт партнерлыҡ өлгөһө» [ВИДЕО]

Эльмира Сабирова

Шишәмбе, 14 майҙа, Өфөлә яңы диализ үҙәге асылды. Әлеге проект Башҡортостан менән нефрология өлкәһендә медицина хеҙмәттәре күрһәтеү буйынса донъяның иң ҙур компанияларының береһе – Швецияның «Diaverum» компанияһы, шулай уҡ Рәсәйҙең гемодиализ өсөн медицина ҡорамалдары етештергән «Юнона» холдингы» яуаплылығы сикләнгән йәмғиәте араһында шәхси-дәүләт партнерлыҡ сиктәрендә тормошҡа ашырылды.

Гемодиализ үҙәген асыу тантанаһында БР Хөкүмәте Премьер-министры урынбаҫары Лилиә Ғүмәрова, Швеция Короллегенең Рәсәйҙәге Ғәҙәттән тыш һәм Тулы хоҡуҡлы илсеһе Вероника Бард Брингеус, Башҡортостандың һаулыҡ һаҡлау министры Георгий Шебаев, «Diaverum» компанияһы президенты Даг Андерссон, «Юнона» холдингының директорҙар советы рәйесе Александр Петров һәм башҡа рәсми кешеләр ҡатнашты.

Вице-премьер иҫәпләүенсә, Өфөләге яңы диализ үҙәге медицина өлкәһендә уңышлы шәхси-дәүләт партнерлыҡ өлгөһө булып тора. Власть органдары инвестициялар өсөн уңайлы мөхит булдырыуға булышлыҡ итһә, шәхси инвесторҙар барыһын да тиҙ һәм сифатлы эшләне.

— Рәсәй-Швеция мөнәсәбәттәре киләсәктә нығыныр һәм Башҡортостан Республикаһы Рәсәй Федерацияһы составында берлектәге проекттар, инвестициялар, социаль-иҡтисади үҫеш йәһәтенән мөһим йүнәлештәр буйынса хеҙмәттәшлек өсөн иң уңайлы төбәктәрҙең береһенә әйләнер, тип уйлайым, - тине Лилиә Ғүмәрова.

Тулы ҡеүәтенә эшләй башлаһа, клиника, өс сменала эшләп, көнөнә 84 пациентты ҡабул итә аласаҡ. Ауырыуҙарҙы дауалау – бушлай. Штатта 41 кеше иҫәпләнә. Улар – өҫтәмә махсус белем алған алты табип-нефролог, шәфҡәт туташтары һәм хеҙмәтләндереү персоналы.

Башҡортостандың һаулыҡ һаҡлау министры Георгий Шебаев һүҙҙәренсә, диализ бүлексәләре бөгөнгө көндә Ғ.Ҡыуатов исемендәге Республика клиник дауаханаһында, Республика кардиология диспансерында, 21-се ҡала клиник дауаханаһында, шулай уҡ Белорет, Сибай, Күмертау, Нефтекама, Мәсәғүт, Октябрьскийҙа эшләй. Инорс биҫтәһендә асылған диализ үҙәге – иҫәп буйынса унынсыһы.

1 из 14

#һаулыҡ һаҡлау #гемодиализ үҙәге #лилиә ғүмәрова

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.