Среда, 29 Апреля 2026

Уфа

+9 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:12 (UTC+5), 13 Мая 2013

Өфөлә «Рәсәй Көнсығышының мосолман донъяһы: традициялар һәм новаторлыҡ» симпозиумы асылды

Арина Рәхимҡолова

Өфөлә «Рәсәй Көнсығышының мосолман донъяһы: традициялар һәм новаторлыҡ» халыҡ-ара фәнни-ғәмәли симпозиумы асылды. Сара билдәле башҡорт мәғрифәтсеһе, дин әһеле Зәйнулла Рәсүлевтың тыуыуына 180 йыл тулыуға арнала. Беренсе көн программаһында пленар ултырыш һәм секциялар ҡаралған. Форумды ойоштороусылар булып Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты, Башҡорт дәүләт университеты, Башҡортостан Республикаһы мосолмандарының Диниә назараты сығыш яһай.

Симпозиумды Рәсәй мосолмандарының Үҙәк диниә назараты рәйесе, юғары мөфтөй Тәлғәт Тажетдин асып ебәрҙе. Уның һүҙҙәренсә, әлеге сара ҙур әһәмиәткә эйә, ул йәштәр иғтибарын Зәйнулла Рәсүлевтың рухи мираҫын өйрәнеүгә йәлеп итергә ярҙам итәсәк.

Сарала ҡатнашыусылар алдында шулай уҡ БР Президенты Хакимиәтенең Ижтимағи-сәйәси үҫеш идаралығы начальнигы Данил Азаматов сығыш яһаны. Ул бөйөк мәғрифәтсенең эшмәкәрлеге, «Рәсүлиә» мәҙрәсәһе тураһында һөйләне.

Форумда Башҡортостан Республикаһы мосолмандарының Диниә назараты рәйесе, юғары мөфтөй Нурмөхәмәт Ниғмәтуллин, БР Президенты ҡарамағындағы Дәүләт-конфессия-ара мөнәсәбәттәр буйынса совет рәйесе Вячеслав Пятков, Өфө хакимиәте, республика министрлыҡтары вәкилдәре, Рәсәй, Ҡаҙағстан, Әзербайжан, Украина ҡалаларынан тарих, философия, этнография, тел ғилеме һәм башҡа өлкәләге белгестәр ҡатнаша.

14 майҙа форумда ҡатнашыусылар Учалыға юлланасаҡ, унда ишан исеме менән бәйле изге урындарға барасаҡ. Симпозиум 15 майҙа Учалыла тамамлана.

1 из 14

#дин #фән #симпозиумдар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.