«Тау батшаһы» телеконкурсы финалистары ағас ултыртасаҡ

«Тамыр» балалар-үҫмерҙәр телеканалы менән ойошторолған «Тау батшаһы» телеконкурсы сиктәрендә 12 майҙа экологик акция үтә. Был көндө 23 финалист «Ҡашҡаҙан» паркында ағас ултыртасаҡ. Паркта «Тау батшалары» аллеяһы булдырыласаҡ.

Акция программаһында - «Тамыр» телеканалының популяр алып барыусылары менән осрашыу, конкурстар, уйындар, бүләктәр. Сара Тирә-яҡ мөхитте һаҡлау йылы сиктәрендә ойошторола.

«Тау батшаһы» телеконкурсы үткән йылдың октябрендә старт алды. Беренсе турҙа тапшырыуҙың редакцияһына 100-ҙән ашыу заявка ҡабул ителде. Икенсе турҙа 23 конкурс программаһы төшөрөлдө. Өсөнсө тур – тауыш биреү. 1 апрелдән тамашасылар БЮТ телеканалы сайтында яратҡан ҡатнашыусылары өсөн тауыш бирә. 20 майҙа еңеүселәрҙе наградлау тантанаһы үтә, уға «Тау батшаһы» исеме биреләсәк. Еңеүсе уҡыған мәктәпкә өҫтәл теннисы өсөн ике комплект тапшырыласаҡ.