81.14
0
Башҡортостан һәм Өфө яңылыҡтары
92.22
0
67.96
+2.11
24+ °C
Болотло
Бөтә яңылыҡтар
Йәмғиәт
29 Апрель 2013, 15:47
Республикала «Студент яҙы-2013» фестиваленә йомғаҡ яһалды
Өфөнөң «Нефтсе» мәҙәниәт һарайында «Студент яҙы-2013» фестиваленең гала-концерты үтте. Сарала студенттарҙың иң яҡшы концерт номерҙары тәҡдим ителде.
Быйыл фестивалдә йәмғеһе 70 меңдән ашыу кеше ҡатнашты.
Гала-концертта ҡатнашыусыларҙы сәләмләп, БР Профсоюздар федерацияһы рәйесе Әмирхан Сәмерханов, «Студент яҙы» йәштәр араһында киң популярлыҡ яулауын дауам итә, тип билдәләне. Профсоюздар федерацияһы рәйесе юғары уҡыу йорттары етәкселәренә студенттарҙы фестивалгә әҙерләү йәһәтенән ҙур эш башҡарғандары өсөн рәхмәт әйтте.
Буласаҡ инженерҙар, экономистар, педагогтар, юристар, биология һәм география белгестәре, нефтселәр үҙҙәренең һәләттәрен күрһәтте. Һәр номер ҡабатланмаҫ һәм сағыу булды.
Фестивалдә сит ил студенттары ла әүҙем ҡатнашты. Өфө дәүләт авиация техник университетынан Жульен Селестин милли барабанда «Мангутрака» композицияһын уйнап ишеттерҙе, ә Өфө дәүләт нефть техник университеты студенты Ньяме Нкетиа Девид Валентина Толкунова репертуарынан «Поговори со мною мама» йырын башҡарҙы.
Башҡорт дәүләт университетының Нефтекамалағы филиалынан Ренат Сәлихйәнов Мөслим Магомаевтың «Синяя вечность» йырын башҡарып, Гран-приға лайыҡ булды. Уның көслө тауышы тамашасыларҙы ла, жюри ағзаларын да таң ҡалдырҙы. Шулай уҡ төрлө номинацияларҙа еңеүселәр һәм лауреаттар билдәләнде. Бер нисә ижади коллектив етәкселәренә БР Мәҙәниәт министрлығының Почет грамоталары тапшырылды.
Фестивалдә еңеүселәр артабан Ульяновскиҙа үтәсәк Бөтә Рәсәй студент яҙы финалында ҡатнашасаҡ. Әлеге ваҡытта унда ҡатнашыу өсөн делегация формалаштырыла.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».