Кесе йома, 16 Апрель 2026

Өфө

+4 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

08:10 (UTC+5), 22 Апрель 2013

Республика Президенты Федоровка районының социаль объекттарын ҡараны

Розалия Вәлиева, Арина Рәхимҡолова

Башҡортостан Президенты Рөстәм Хәмитов Федоровка районы буйлап эш сәфәре барышында Федоровка ауылының бер нисә социаль объеттарында булды.

Физкультура-сәләмәтләндереү комплексы республика бюджеты средстволары иҫәбенә 2010 йылда төҙөлгән. Бында Федоровка ауылының балалар-үҫмерҙәр спорт мәктәбе урынлашҡан. Мәктәптә еңел атлетика, футбол, саңғы спорты, баскетбол, волейбол, көрәш, өҫтәл теннисы, гер спорты, армрестлинг буйынса 27 төркөмдә 500 бала шөғөлләнә. Уларҙың 259-ы Гончаровка, Динес, Ҡараласыҡ, Юрматы, Балыҡлы, Яңы Яуыш, Бала Сытырман ауылдары мәктәптәрендә шөғөлләнә.

Артабан төбәк башлығы Федоровка ауылында урынлашҡан Үҙәк район дауаханаһында булды. 2011 йылда бында капиталь ремонт үткәрелгән. Дауахана сменаһына 200 кешене хеҙмәтләндерә.

Райондың дауалау-профилактика учреждениеларында йәмғеһе 36 табип, 155 урта медицина хеҙмәткәре, 76 кесе медицина персоналы эшләй. «Земство табибы» программаһы буйынса 2012 йылда районға һигеҙ йәш белгес килгән. Башҡортостандың һаулыҡ һаҡлау министры Георгий Шебаев билдәләүенсә, ағымдағы йылда программала йәнә 275 кешенең ҡатнашыуы көтөлә.

«Һаулыҡ» милли проектын тормошҡа ашырыу сиктәрендә поликлиника өсөн яңы медицина ҡорамалдары һатып алынған. Шулай уҡ дауахана ҡарамағында өс реанимобиль бар.

Рөстәм Хәмитов медицина учреждениеһы бүлектәрен, реанимобилдә урынлаштырылған ҡорамалды ҡараны. Дөйөм алғанда, район халҡы медицина хеҙмәтләндереүенән ҡәнәғәт. Был табиптарҙың юғары профессионализмы хаҡында һөйләй.

Шулай уҡ Башҡортостан Президенты 112 урынға иҫәпләнгән «Ҡыңғырау» балалар баҡсаһында булды. Учреждениела республика бюджеты средстволары иҫәбенә капиталь ремонт үткәрелгән. Бында ҡыйыҡ ремонтланған, иҙәндәр, тәҙрәләр, ишектәр яңыртылған, йылытыу системаһы алмаштырылған, яңы технологик һәм уйын ҡорамаладары, мебель һатып алынған.

Рөстәм Хәмитов уйын, йоҡо бүлмәләрен, ашхананы ҡараны. Балалар Президентҡа ҙур булмаған концерт күрһәтте. Төбәк башлығы балалар баҡсаһының, уның биләмәһенең тәрбиәле, таҙа булыуын билдәләне. Уның һүҙҙәренсә, райондың мәктәпкәсә белем биреү учреждениеларында урындар дефициты оҙаҡламай кәмейәсәк.

1 из 20

#бр президентының эш сәфәрҙәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.